Ikuallanneq
Ilulissani ikuallattoq siaruaakkunnaartoq politiinit qatserisartuniillu nalunaarutigineqarpoq
GH Data-mi ikuallattoqarnerani inuit politiinit kaammattorneqaraluarput angerlarsimaannassasut, tamannali maannakkut atorunnaarsinneqarpoq
Ilulissani Mathias Storchip Aqqutaani Illumiunilu najugallit ernumassutissaqarnatik angerlarsimaffiminnit anisinnaalerput. Pisiniarfik GH Data Konrad Chemnitzip Aqqutaaniittoq ullaaq ikuallattoq annertuumik ullaaq pujulioraluarpoq.
Ilulissani politiit pisortaat Gideon Quist Sermitsiaq.AG-mut nalunaarpoq.
Ikuallattup annertuumik pujuliornera pissutaalluni igalaat matullu matoqqatinnissaat kaammattuutigineqarpoq ataasinngornerup ullaavani.
GH Data-mi ikulallattoqartoq nalunaaqutaq 05.05 nalunaaruteqartoqarpoq, ikuallattorlu siaruaakkunnaarpoq nalunaaquttap 08.30-p missaani.