håndbold
Ilulissani GM-imi unamminerit måleqarluartut
Angutini aamma arnani siorna pissartanngortut, GSS Nuummeersut assammik arsarluni pissartanngorniunnermi nukilaassutsimik takutitsinngillat
Nunatsinni assammik arsarluni pissartanngorniunnermi Ilulissani ulluni makkunani ingerlanneqartumi, sapaatiummat unamminerit arfineq-marluk ingerlanneqarput.
Angutit unammineranni pulje 1-imi kingullermik pissartanngortut GSS, sapaammi marloriarlutik unammipput. Unamminermi siullermi taakku SAK-mut Sisimiuneersunut 34-19-imik ajugaapput.
Unamminerup aappaani taakku sungaartunik tujuuluarallik Nagtoralimmut Paamiuneersunut 47-12-imik ajugaapput, tassani Nagtoralimmeersoq Ilannguaq Hegelund pingajussanik minutsinik marlunnik pillaatisereerluni anisitaavoq.
Assit takukkit: GM-imi NÛK N-48-lu naligeeqisut
Norsaq HC ajugaaqqittoq
Nagtoralik aamma sapaammi marloriarluni unammivoq. Taakku aamma Norsaq HC-mut Aasianneersunut 25-41-mik ajorsarput.
Puljep aappaani NÛK angutini N-85-imut unammipput. Unamminerup immikkoortuani siullermi naligiimmik unammereerlutik, Nuummeersut 35-30-imik ajugaapput.
Naligiinngitsorujussuit
Ukioq manna arnat GM-imi tamarmik imminnut unammissapput. Sapaammi arnat unammineranni siullermi NÛK Kagsassummut Maniitsumeersunut 36-13-imik ajugaavoq.
GSS siorna pissartanngortut nukittunermik annertuumik takutitsipput, taakku målinik 34-inik Nagdlunguamut 49-12-mik ajugaapput.
Ataasinngornermi unamminissat:
Arnat:
- NÛK - Nagtoralik
- Kagssassuk - GSS
- Nagdlunguak' - Norsaq HC
Angutit:
Pulje 1:
- SAK - Nagtoralik
- GSS - Norsaq HC
Pulje 2:
- Nagdlunguak' - N-85
Unamminerit Ilulissat Timersortarfiani pissapput.
Atuaruk: GM-imi ukua imminnut unammissapput