nakkutilliisoqaqqissasoq

Ilulissani angallannermik nakkutilliineq 30.000-inik akiligassiisoq

Qaasuitsumi Politiit aarlerisaarutigaat, nakkutilliinerit assingusut aamma avannaani sumiiffinni allani ingerlanneqarumaartut

Ilulissani Politiit sapaatip akunnerani 16-imi illoqarfimmi aqqusinermi angallannermik nakkutilliipput.

Politiit sukkassutsimut killigititat, ingerlatilluni qitequteqarneq (inatsisit malillugit pisussaaffiuvoq), ingerlatilluni mobilimik atuineq (inatsisit malillugit pisussaaffiuvoq), aalakoorluni ingerlatsineq aamma biilit kukkuneqarnersut amigaateqarnersulluunniit unioqqutinneqarsimanersut misissorpaat.

Nakkutilliinermut piffissanngortoq
- Piffissami sivisuumi aqqusinikkut angallannermik nakkutilliinikuunngilagut, taamaattumillu iliuuseqarnissarput piffissanngortoq isumaqarpugut, angallannermi ajutoortoqannginnissaa aamma angallannermut inatsimmik malitsisoqarnissaa qulakkeerniarlugu, illoqarfimmilu innuttaasunik eqqissisimatitsinissaq siunertaralugu, Qaasuitsumi Politiit pisortarigallagaat, Carl Sværd oqarpoq.

Atuaruk: Nuummi arnaq toqunniarlugu sioorasaaraa

Politiit sapaatip akunnerani 16-imi iliuuseqarnerat, isumannaallisaanermut qitequteqarani ingerlatsinermut sulianik marlunnik aallartitsivoq. Tamanna inummut ataatsimut 500 koruuninik akeqarpoq.

Tallimat ingerlatsisinnaajunnaarsinnaasut
Taakku saniatigut biilit arfineq-marluk sukkavallaartumik ingerlasut suliassanngortinneqarput.

Katillugu 29.500 koruuninik akiligassiisoqarpoq, aamma biilinik ingerlatsisut tallimat unioqqutitseqqikkunik allagartaminnik arsaagaasussanngortinneqarput.

Nakkutilliisoqaqqissasoq
Taakku saniatigut politiit iliuuseqarnerminnut atatillugu biilit 53-it unitsippaat, arlaqartullu biilii ajoquteqarlutik aamma amigaateqarput.

Carl Sværdip oqaatigaa, Qaasuitsumi illoqarfinni allani politiit assingusunik iliuuseqarniarlutik pilersaarutigigaat, Ilulissanilu taamaaliortoqaqqinnissaa qularutiginngilaa.

Atuaruk: 61-inik ukiulik 9.300 literinik immiorsimasoq

Powered by Labrador CMS