Saligaatsoq

Ilulissani aamma saliisoqartussanngorpoq

Kalaallit Nunaanni illoqarfiit annersaasa pingajuanni saliisoqartussanngorpoq

Avatangiiseq isikkorinninngorniarlugu Ilulissani Saligaatsoq - Avatangiiserik ingerlanneqassaaq marlunngorpat juunip 17-ani nalunaaqutaq 13.00-mit 16.30-p tungaanut.

- Sapaatit akunneri kingulliit ingerlaneranni illoqarfimmi saliineq annertooq illoqarfiup innuttaasa, peqatigiiffiisa suliffeqarfiisalu amerlasuut ingerlatereerpaat. Kisianni suli suliniarneq ataatsimoorussaq annertooq atorfissaqartinneqarpoq, taamaalilluta inuiattut ullorsiornissaq nallertinnagu illoqarfik torersoq pilersissinnaaniassagatsigu, Qaasuitsup Kommunia kaammattuuteqarpoq.

Saligaatsup ingerlanneqarnissaanut Ilulissani suliffeqarfiit 18-it nalunaarsimapput tallimanngornermi nalunaaqutaq qulinut. Nalunaaqutaq marlunut kingusinnerpaamik allatsittoqarsinnaavoq.

Saliisitsinissaq Qaasuitsup Kommunianit suliffeqarfinniillu assigiinngitsunit aallartisarneqarpoq.

Saligaatsoq Facebookikkut aamma malinnaaffigineqarsinnaavoq

Powered by Labrador CMS