Inuiattut ullorsiorneq
Iluliarmiut silami inuiattut ullorsiussapput
Ilulissani heliportitoqqap eqqaani inuiattut ullorsiorneq malunnartinniarneqassaaq tassanilu igaartoqarlunilu nipilersortoqassaaq
Nunatsinni erinarsortartutut tusarsaalerlaar Rina Møller Lorentzen erinarsussaaq Ilulissani heliportitoqqap eqqaani inuiattut ullorsiorneq tallimanngornermi malunnartinniarneqalerpat. Naalagiareernermi aamma Zionip Oqaluffiata ataanni qaannamik takutitsisoqassaaq.
Inuiattut ullorsiorneq aallarnerlugu Ilulissani kommunep allaffiata silataani erfalasulertoqareerpat borgmester Ole Dorph Siumumeersoq nalliuttorsiornermi oqalugiassaaq. Taanna pereerpat oqaluffiup tungaanut ingerlaaqatigiinneqassaaq.
Naalagiaqatigiinnerup kingorna qajartortartut peqatigiiffiat Qajaq Ilulissat oqaluffiup ataani kinngusaarnermik takutitsissaaq. Tassanissaaq erinarsoqatigiit kalattoortartullu aliikkusersuissapput.
Ualikkut pisussat heliportitoqqap eqqaani inuiattut ullorsiortarnerpassuarni katerisimaarfiusarsimasumi ingerlanneqassapput.
Killutsigut grillerutillu atorlugit igaartoqassaaq taamaasineranilu scenemi sakkortusaatit ikinneqariarpata nipilersornerit aallartissapput. Tassani ilaatigut appisimaassapput Kalak Jazz kiisalu Nunatsinni erinarsortartutut tusarsaalerlaaq Rina Møller Lorentzen nipilersoqatigiit Sussat peqatigalugit appisimaassamaartoq.
Ilulissani inuiattut ullorsiorneq naggaserlugu unnukkut Ilulissat timersortarfiani kalattut qittattoqassaaq pisarnerlu malillugu arsaaffimmi Nagdlúnguup aamma I-69-ip utaqqasaartai arsaallutik unammiumaarlutik.