Eqqumiitsuliamik nassaarluarneq
"Iluliaq" 150 mio-nilerlugu tunineqartoq
"Eisberg" Gerhard Richterip qalipagaa ilimagisamiit 50 mio koruunit sinnerlugit sapaatip akunnerata siuliani tunineqarpoq.
Gerhard Richtersip iluliaq qalipatarisimasaa sapaatip akunnerata siuliani tuluit illoqarfiisa ilaanni Sothebymi akitsorterutsinneqarpoq. Eqqumiitsuliaq 1982-mi qalipagaasimasoq, 1983-miilli europamiup eqqumiitsulianik katersisartup pigilersimasaa, 100 mio koruuninik iluaarutaasinnaanera ilimagineqarsimagaluarpoq. The New York Times allappoq.
Sisamanik pilerisittoqartoq
Qalipagaq akitsorterunneqarnermini pilerigineqarluaruttorami 150 mio koruunit angusimavai. Inuillu sisamat qalipakkamik piserusullutik akitsorterussisarfiup oqarasuaataa aqqutigalugu immininut unammisimallutik.
Atuaruk: Gukki Nukap inuunera eqqumiitsuliornerup annaappaa
Gerhard Richterip 1980-kkut aallartilaarneranni kaalalerpaluttunik pingasunik qalipaasimavoq. Qalipakkat allat marluk katersugaasivimmiitinneqarput.
Nunarsuarmi rekortiliivoq
Tyskip eqqumiitsuliortup assilisanik ilaarsilluni qalipaariaatsini ilisimaneqaatigaa. 2013-milu aviisit saqqaanniissimalluni. Qalipagarisimasaa ”Dompladsen i Milano” 215 mio koruuninik tunineqarmat nunarsuarmi rekortiliissutigaa.
Prinsesse ilisarinngikkaa
1965 qalipagaa ilisimaneqaataanuut ilaasoq "tre søstre" danskit prinsesse pingasut ukuusut: Kronprinsesse Margrethe, Prinsesse Anne-Marie aammalu Prinsesse Benedikte.
Aamma atuaruk: Qaqortumi inuussuttoq eqqumiitsuliortartoq saqqummersitsivoq
Atuagassiaq sapaatip-akunnikkuutaarluni saqqummersartumi assi takusani ilaarlugu qalipagaavoq. Qalipaasullu Richterip arnat pingasut kikkuunersut ilisimanagillu qalipassimavai. Assit ataani takukkit.