fernisering
Iluliaaraq torrallaaqqippoq!
Assilialiornermik ilinniarfik Iluliaaraq Nuuk Kunstmuseum-imi pissanganaqisumik saqqummersitseqqippoq
Assilialiornermik iliniarfimmi Iluliaaqqami 2013-imi ukiakkut Susanne Jensen aamma Lisbeth Lings, marluullutik perorsaasut, assilialiorluni eqqumiitsuliornermik ilinniartitsisoralugit meeqqat eqqumiitsuliaat arlalissuit saqqummersinneqarnerat tallimanngormat ammarnersiorneqarpoq.
Avatangiisivut, pinngortitaq inuuffigisarput spaniamiorlu qalipaasoq Joan Miró isumassarsiorfigalugit, meeqqat ilisimasalinnik ilinniartitsisoqarlutik pilersitsisinnaassusertik eqqumiitsuliornikkut takutippaat.
Eqqumiitsuliaasigut meeqqat isumassarsisinnaassuseqaleriartornerat takullugu alutornaqaaq, tamakkualu Nuuk Kunstmuseum-imi illumi kusanartumi takuniarneqarsinnaapput, tassanilu aamma nunatsinnit eqqumiitsuliarpassuit katersaatigineqarput, ilaatigut nunatsinnik qalipaasup Emanuel A,.Petersenip qalipagarpaalui, kiisalu sanalugarpassuit.
Immikkut saqqummersitaq katersugaasiviullu saqqersitai takunianngitsuuassaanngillat.