ad!
Illut iigaannut quisartut qalipaammik anusinngorsarlugit
San Franciscomi Hamborgimilu qalipaat immikkut ittoq atorlugu inuit maangaannaq quisarunnaarsinniarneqarput
Bussit unittarfiini aqqusineeqqanilu quup tikka naluneqanngitsumik nunani tamalaani illoqarfinni angisuuni mikisunilu ajornartorsiutigineqarpoq.
Illoqarfissuillu marluk maanna tamanna akiorniarlugu allaanerusumik iliuuseqalerput.
Qalipaammik misileraassutaasumik nutaamik kommunit Hamborgip San Franciscollu inuit quisarfiit atornagit illut iigaannut quisartut anusinngorsarnialerpaat.
Qooq ´uteriartarpoq´
Ataani videoliami, San Franciscop illoqarfimmik aqutsisuineersumi, takuneqarsinnaasutut qalipaatip imerpalasoq saperluinnarpaa.
Qalipaatip piginnaasaanik takutitsinikkut takuneqarsinnaavoq qalipaatip imerpalasoq ima sapertigigaa, quisup quua tissalulluni qarliinut uteriartartoq. Qalipaat immikkut ittunik partikel-eqarpoq, imerpalasunik sapigaqarluinnartunik. Quup tissalunnera sakkortunerujartortillugu quup ilaa annertuneruleraluttuinnartoq piffimminut uteriassaaq. Tamanna videoliami allermi Hamborgimeersumi takuneqarsinnaavoq.
Inuit tamanna anusinnguutigissanerlugu?