takornariaqarneq

Illuaraqarfik politiinut nalunaarutigineqartoq

Illuaqqat nutaat unioqqutitsilluni sananeqarsimapput

Kujaataani Kuussuannguami illuaraqarfik politiinut nalunaarutigineqarpoq. Poul HardPingasunngornermi juunip 16-ianni Narsami innuttaasunik ataatsimiititsinermi sumiiffik manna oqaluuserineqarpoq, juunillu 21-anni Qaqortumi innuttaasunik ataatsimiititsinermi oqaluuserineqassaaq Kommune KujalleqTakornariat Kuussuannguami qissattartut Poul Hard

Kommune Kujalliup Kuussuannguami illuaraqarfik politiinut nalunaarutigisimavaa.
Tamanna paasinarsivoq pingasnngornermi juunip 16-ianni Narsami kommunimut pilersaarummut ilassutip nr. 4, Isortup eqqaani Kuussuannguullu eqqaani Illuaraqarfik pillugu, innuttaasunik ataatsimiititsinermi. Ataatsimiinnermi Isortoq Reindeer Stationimit Kommune Kujallermillu sinniisut peqataapput.
Illuaqquat kommunimit akuerineqarani sananeqarsimapput malittarisassallu malissimanagit. Taamaattumik pisimasoq politiinut nalunaarutigineqarpoq.
Nunaminermik sanaffissamik qinnuteqartoqarsimannginnerata saniatigut sissamut ungasissusaat piumasarineqartutut 50 meterit sinneqartussaagaluit taakku inorpaat.
Taamaattumik kommunip piginnittut politiinut nalunaarutigai illuaqqat peerneqarnissaat piumasaralugu. Birger Kristoffersen, Kommune Kujallermeersoq, ataatsimiinnermi oqarpoq Qaqortumi politiit pisimasoq misissuleruttoraat.
Piginnittut ilaat Stefan Magnusson ataatsimiinnermi oqarpoq illuaqqat sanasimallugit malittarisassatoqqat malillugit, isumaqarsimagami taakku suli atuuttut. Taamaattumik piaaraluni taamaasiorsimanngilaq, nassuerporli kommuni apereqqaarsimasariaqaraluarini.
Ataatsimiinnermi oqarpoq politiinut nalunaarutiginninneq tusaatissatut tigullugu.
Narsami ataatsimiinneq pillugu sapaatip akunnerani tullermi Tamanut Kujataani-mi allaaserisaq atuaruk.
Ataasinngornermi juunip 21-anni taamatut Qaqortumi innuttaasunik ataatsimiititsisoqassaaq.

Powered by Labrador CMS