Kullorsuaq
Illu assigiinngitsunut atortoq toqqissisimanermik pilersitsissaaq
Kullorsuarmi atuarfik nunaqarfimmilu siulersuisut piffissamut sivisuumut suliniummik aallartitsipput, nunaqarfimmi meerarpassuit inuusuttorpassuillu pitsaanerusunik toqqissisimanarnerusunillu atugassaqartinneqarnissaat qulakkeerniarlugu
Kullorsuup Atuarfissua nunaqarfimmilu siulersuisut suliniummik aallartitsipput, tassuuna anguniarneqarluni illumik assigiinngitsunut atortussamik sananissaq, nunaqarfimmi meeqqat inuusuttullu pitsaanerusunik atugassaqartinniarlugit.
Atuarfik aserfallassimaqisoq
Birgitta Kamann, Kullorsuup Atuarfissuani sunngiffimmi pisortaq, oqarpoq pisortat meeqqanut inuusuttunullu neqerooruteqarnissaat atorfissaqartinneqartorujussuusoq, ukiuni kingullerni atuarfitoqaq aserfallassimaqaluni isasooqqajaasoq fritidsklubbitut atorneqartarsimammat.
Kinguaariit arlallit
Suliniut atserneqarsimavoq ´Meeqqanut inuusuttunullu illu - kinguaariippassuarnut periarfissalik´. Illumiissappullu meeraaqqerivik, meeqqerivik, meeqqanut inuusuttunullu klubbi kiisalu meeqqanut ajornartoortoqartillugu unnuisarfik, angerlarsimaffimminni imigassamik ajornartorsiuteqarneq pissutigalugu sapaatip akunnerisa naaneranni illersorneqarsinnaasumik paarineqarsinnaanngitsunut.
Suliniummut tujuliaquttat pillugit annertunerusumik Sermitsiaq normu 10-mi atuakkit. Aviisi pisiniarfimmi imaluunniit ataani linki atorlugu pisiarisinnaavat.