Siorarsiorfik
Illoqarfiup ineriartortinneqarneranut ingerlatseqatigiiffik pisortaanerup tullianik atorfinitsitsivoq
Peter Christiansen Siorarsiorfik – Nuuk City Development A/S-mi aningaasaqarnermut pisortaanerullu tulliatut atorfinitsinneqarpoq
37-nik ukiulik Peter Christiansen Copenhagen Business School-imi Cand.merc.-itut ilinniarsimavoq qaavatigullu
aqutsinermi isumaqatigiinniarnermilu ilinniaqqinnikuulluni.
Taanna 15. januar atuutilersumik atorfittaamini sulilissaaq.
Illoqarfiup ineriartortinneqarneranut ingerlatseqaatigiiffik Siorarsiorfik - Nuuk City Development tusagassiuutinut nalunaarummi paasissutissiivoq.
- Aningaasaqarnermut pisortassamik, qaffasissumik aningaasaqarnermik aqutsinermik ilisimasalimmik, nunallu tamalaat akornanni isumaqatigiinniartarnerni qaffasissilittut misilittagalimmik nassaarsinnaasimagatta nuannaarutigaara, NDC-mi pisortaaneq Jens B. Frederiksen, tusagassiuutinut nalunaarummi oqarpoq.
Peter Christiansen Mittarfeqarfimmi Aningaasaqarnermi Pisortatut suliffinni qimappaa siornatigullu Nunaoil
A/S-imi aqutsisutut aamma sulisimalluni.
Nunallu tamalaat akornanni aningaasaliisarnermi misilittagaqarluni, Canadami uuliasiornerup iluani aningaasaqarnermi siunnersortitut sulisimagami.