Illoqarfiup immikkoortortaanik ima aseruisoqartarpoq
Illoqarfiup ilaani oqaluttuarisaanermut pingaarutilimmi alianaatsumik illorujussuarnik nutaanik sanasoqarnissaa kommunimut pilersaarummut ilassummi periarfissiuunneqarpoq
Borgmester Asii Chemnitz Narup aamma Kommuneqarfik Sermersooq teknikkikkut ingerlatsivimmi iliuuserineqartut qularnaatillit arlallit pissutigalugit Sermitsiap nersornaasiuttagaanik 'Ukiup uugarsua'-nik 2011-mi nersornaaserneqarput.
Tamatumani ilaatigut Qaqortumi, Nuutoqqami Qattaamilu illuliortiterneq pineqarpoq, taakkunanimi ukiorpassuarni najugaqartut najugaqarfigisamik ilisarsaajunnaarsinneqarnera soriarsinnaassuseqarnatik isiginnaartariaqarsimavaat. Kommunimut pilersaarummut ilassut aqqutigalugu illorujussuit illoqarfiup immikkoortaanik ilisarsaajunnaarsitsisut eqqaamiunut tusarniaassutigineqartariaarutissapput, inatsisit naapertorluinnarlugit sanaajussammata.
Maannallu borgmesteri kommunilu 'Ukiup uugarsua'-tut qinigaaqqinnissamik anguniagaqalerput.
Illoqarfiup ilaanut oqaluttuarisaanermut pingaarutilimmut alianaatsumullu Saqqarliit, Saqqarlernut, Noorlernut, Solbakkenip aamma Jens Kreutxmannip Aqqutaata eqqaaniittumut – illoqarfiup iliveqarfiata aamma inissisimaffigisaanut – kommunimut pilersaarummut ilassut kommunalbestyrelsimit 2011-mit akuersissutigineqarpoq. (Tamanna qallunaatut Rævedalenimik taagorneqarpoq, qa- tanngutigiinniat ajoqersuiartortitaqarfiat 1900-kkunni terianniaateqarfittut aaqqissuunneqarsimammat).
Nuummi susoqarnersoq Nuuk Ugeavisimi oqaluttuanik amerlanernik atuarsinnaavutit. Aviisi akeqanngitsumik uani pisiariguk: