håndbold

Illoqarfinni ukunani GM ingerlanneqassaaq

Assammik arsarluni pissartanngorniunnerit illoqarfinni sorlerni ingerlanneqassanersut, Nunatsinni assammik arsartartut kattuffiata saqqummiuppaa

Inersimasut pissartanngorniunnissaat Ilulissani ingerlanneqassapput

Paamiut, Nuuk, Maniitsoq kiisalu Ilulissat.

Ukioq manna assammik arsarluni pissartanngorniunneq illoqarfinni taakkunani ingerlanneqassapput. Nunatsinni assammik arsartartut kattuffiata januaarip arfernani ataatsimeereerluni, qaqugu aamma sumi pissartanngorniunnerit ingerlanneqassanersut aalajangerpaa.

Inersimasut pissartanngorniunnissaat Ilulissani ingerlanneqassaaq. Tamanna apriilip 25-nit maajip aallaqqaataata tungaanut pissaaq.

Poorskimi atuanngiffeqarnerup nalaani U18-nit Maniitsumi pissartanngorniutissapput.

Atuaruk: Assammik arsarnermi GM: GSS-ip arnartai angutitaalu pissartanngoqqittut

Nukarlerit Paamiuniissapput
U16-it illoqarfiit pingaarnersaanni apriilip 18-nit 22-at ilanngullugu unammissapput, U14-illu apriilip arfernanit 12-at ilanngullugu Paamiuniissapput.

Allaaserisap talerpiata tungaani holdit sorliit peqataassanersut takuuk

Powered by Labrador CMS