uani sapaatip akunnerata naanerani
Illoqarfinni pingasuni tusarnaartitsileqaat
Akisuanerit Festivalen Nuummi, Maniitsumi Qaqortumilu pissaaq sapaatip akunnerata naanerani
Nipilersoqatigiit 14-nit ikinnerunngitsut Nuummi, Maniitsumi Qaqortumilu appisimaassapput sakkortusaatit Akisuanerit Festivalimi ikinneqarpata. Aamma sapaammi unnukkut Koda Awardsimi nersornaatit agguaanneqassaput Nuummi kulturip illorsuani Katuami.
Aningaasarpassuit atorneqartussaapput nipilersortartut Danmarkimiit, Savalimmiuniit Nunatsinniillu illoqarfinni pingasuni tusarnaartitsinissaanni.
- Aningaasaliisoq pingaarneq tassaavoq Air Greenland. Taassuma saniatigut suliffeqarfiit namminersortut aningaasaliinerisiguttaaq taamatut amerlatigisunik nipilersortunik tikisitsinissaq qulakkeerneqarsinnaanngorsimavoq, kulturip illorsuaq Katuaq Nuummi oktoberip sisamaat tallimaallu tusarnaartitsiviusussaq nalunaarpoq.
Maniitsup timersortarfiani aamma Qaqortup timersortarfiani aamma tallimanngornermi oktoberip sisamaat tusarnaartitsisoqassaaq nammineq piumassutsimik ikiuuttut iluaqutigalugit piviusunngorsinnaasimasumik.
Tusarnaartitseqattaarnerit naggaserlugit sapaammi unnukkut Nuummi Koda Awards ingerlanneqassaaq Hans Lyngep inersuani pissalluni.
Soorunami tassani aamma nipilersortoqarumaarpoq aliikkusersuineq nalunaaqutaq arfineq pingasunut aallartippat unnuullu ingerlanerani ukiumut nersornaat, neriunaatilimmut nersornaat ataqqinaammillu nersornaat tunniunneqarumaarput.
Tusarnaartitsinissani peqataasussat ukuupput:
Nuuk tallimanngornermi unnukkut: Magnetic Northpole, Malik, Søren Huss (Danmark), Tulleriit aamma Jenseeraq
Nuuk arfininngornermi unnukkut: Rockstones, Teitur (Færøerne), Small Time Giants, Kimmernaq aamma Naneruaq
Maniitsoq tallimanngornermi unnukkut: Rina, Sussat
Qaqortoq tallimanngornermi unnukkut: Juaaka, Naneruaq