Illoqarfinni nunaqarfinnilu arlalinni telemut akiligassat amiilaarnarunnaartut

Illoqarfiit nunaqarfiillu arlallit maanna internetimut akiligassaminnut tupaallannartunut mamaatsoornartunut inuulluaqqusisinnaanngorput.

Ingerlatseqatigiiffik Comby, nittartakkanut attavimmik Tele-Postimut pisisartoq, maanna flatrate-internetimik illoqarfinni aamma nunaqarfinni qulini atuisunut tuniniaanissaminnut aallartipput.

Atuineq killeqanngitsoq
Tele-Postimullu atuineq unitsinnissaannut pissutissatsialaat marluusut, pisortaq Brian Torp oqarpoq.

- Telemit akikinnerungaatsiartumik sinerissami nioqquteqalerpugut. Inuit internetimut atuinerup annertussusaa apeqqutaatinnginnerugaat isumaqarpunga, taanna Sermitsiaq.AG-mut oqarpq.

- Tamanna pissutaagunarluni, maanna inniminniisorpassuaqalereerpugut, ingammik Sisimiuni aamma Paamiuni.

Comby flatrate-internetimik siullermik illoqarfinni sisamani aamma nunaqarfinni qulini nioqquteqassaaq.

Naak pisortap killormoortuanik oqaaseqaraluartoq, Tele-Postip internetimut nioqqutai Combymut sanilliullugit akisunerujussuunngillat. Assersuutigalugu tv-mik aamma videonik imaluunniit spillimik nittartakkakkut qanoq annertutigisumik atuisarneq apeqqutaavoq.

Imminnut qanittut
Comby illoqarfinni sisamani aallarniiffigisaani, internetimik killeqanngitsumik atuineq maanna qaammammut 950 koruuninik akeqalerpoq, Tele-Postimilu taakkunani illoqarfinni annertuunik 30 gigabytenik, qaammammut 999 koruunilerlugu niueruteqartoqarpoq, annertunerusumillu atuiniaraanni 1.149 koruuneqarpoq.

Combymili pisortaq Tele-Postimi atuisunik amerlanerusunik pissarsissalluni neriuuteqarpoq, naak atuisunut akit assigiinngissutaat atuisunut amerlasuunut annertunngikkaluartoq.

- Tele-Postip nioqqutaasa killormoortuanik, uagut nioqqutigut flatrativiupput. Nittartakkamik atuineq killeqanngilaq, uagutsinnullu attaveqalerneq akeqanngilaq.

Atuaruk: Narsami imaatigut kabelimik politikeri pitaarusuttoq

Brian Torpip oqaatigaa, amerlasuut aamma nuunnissaat naatsorsuutigalugu, suliffeqarfinnit kisermaassisunit allat pitsaanermik kiffartuussisinnaanersut alapernaaffiginerat pissutigalugu.

Kisianni taassuma nalugallarpaa, tamanna Combymut niuerneq qanoq pitsaatigissanersoq. Atuisut inuinnaat aamma suliffeqarfiit qanoq avinnerat apeqqutaassaaq.

- Illoqarfinni nunaqarfinnilu immikkut atortoqartussaavugut. Taamaammat sumiiffimmi ammaanerit tamaasa uagutsinnut akeqarpoq.

Atuinerusoqalernissaanik neriuuteqartoq
Combymi pisortap neriuutigaa, flatratemik nioqqutit nutaat killeqanngitsut Nunatsinni atorluarneqaleriarpata kingusinnerusukkut tamanut akikinnerulerumaartut.

- Tele-Postip akii pissutigalugit, atuisinnaanermik annertunerusumik tunisaqarneruleraangamik akit appartissinnaasarpaat.

Comby Tele-Postimut unammillerluni internetimik nioqquteqalernissamut sivisuumik sulissuteqarpoq. Ingerlatseqatigiiffik siornatigut Nuuk Skynetimik pilersitseqataanikuuvoq.

Atuaruk: Uani aallartigit: Nunaqarfiit Google Street Viewikkut alakkaruk

Suliffeqarfik taanna mikisoq ukiuni marlunni Tele-Postimit pisilluni internetimik nioqquteqarniarsarigaluarpoq, iluatsinngitsumilli. Nuuk Skynetip suliaq Konkurencestyrelsemut ingerlateqqippaa, taanna taakkununnga iluaqutsiilluni aalajangiivoq.

Taava Tele-Postip suliffeqarfik taanna mikisoq akimik annertuumik tunivaa, Nuuk Skynetillu Telestyrelsemut tamanna maalaarutigaa, kingornalu Tele-Postip unammillertinik akimik nutaamik sismararterutip missaani annikinnerusumik tunivaa.

Kingorna Tele-Post Wholesalep, tassa internetimik nioqqutiginneqqittarfik, aki arlaleriarlugu annikilleqqinnikuuaa.

Atuaruk: Tele-Post internetimik niuernermi unammillerteqalerpoq