silarluppoq
Illoqarfinni assigiinngitsuni pingasuni sila atoruminanngitsoq
Nuummi biilerfiusartoq politiinit matugallarneqarpoq persernera pissutaalluni. Illoqarfinni assigiinngitsuni marlunni aamma sila anorlissaaq pingasunngorpat
Nuummi Qinngorpumi pisariaqartinnagut biilertoqannginnissaa politiinit nalunaarutigineqarpoq marlunngornerup ullaata tungaani. Borgmester Anniitap Aqqusernani, Nuup qeqqani, Nuussuarmi Qinngorpumilu pisariaqartitsisoqanngippat biilertoqannginnissaa politiit kommunimilu teknikkikkut aqutsisoqarfianit aalajangerneqarpoq.
Nuummi politiinit Brian Thomsen Sermitsiaq.AG-mut nalunaaruteqarpoq.
Biilit ingerlanaveertut
Timmisartoqarfimmut aqqut aamma politiinit matuneqarallarpoq. Biilit arlaqartut aputeqarpallaarnera pissutaalluni ingerlasinnaanngillat.
Nuummi kisimi silarlussanngilaq. DMI naapertorlugu Paamiuni aamma Maniitsumi pingasunngorpat sakkortuumik anorlissangatinneqarpoq. Maniitsumi ilaatigut sekundtimut 30-nik anorlernissaa ilimasaarutigineqarpoq.
Silaannakkut angallanneq qanoq eqqorneqassanersoq Air Greenland Sermitsiaq.AG-mit paasiniaaffigineqassaaq.