mianersoritsi
Illoqarfinni assigiinngitsuni aningaasaasanik nassaartoqartoq
Nuummi Sisimiunilu 200-, 500-. 1000-, koruuninik aningaasaasanik nassaartoqarsimasoq Grønlandsbankimit nalunaarutigineqarpoq
Nuummi 200,- koruunimik aningaasaasamik nassaartoqarsimasoq Sermitsiaq.AG-mi tallimanngornermi sapaatip akunnera kingullermi allaaseraarput.
Allanik aningaasaasanik nassaartoqartoqarsimasoq banki nalunaarpoq. Aamma Nuummiinnaanngitsoq nassaartoqarsimasoq nalunaarutigineqarluni.
Ataasinngornermi marlunngornermilu aningaasaasat pingasut paasineqarput. Taamaattumik Grønlandsbankenip kajumissaarutigaa aningaasat pappilissat tigummisat eqqortuunersut qulakkeeqqullugit.
Aningaasaasat Nuummi Sisimiunilu paasineqarput, taakkulu tassaallutik 200, 500 aamma 1000 koruunit.
- Aningaasaasat nunatsinni siammarsimapput, tassanilu pineqarput aningaasat pappilissat assigiinngitsut, Grønlandsbankimi sullissisunut pisortaq Peter Petersen oqarpoq.
Aningaasaasanik nassaartoqarsimatillugu politiinut toqqaannartumik unnerluutigeqquneqarput, banki nalunaarpoq.