Qaannamik GM
Illoqarfiit pingaarnersaanni qaannamik pissartanngorniunneq
Nunatsinni qajartorluni pissartanngorniunnermut peqataasut 110-iusut illoqarfiit pingaarnersaanni unammipput
Ilulissanit, Sisimiunit, Nuummit aamma Qaqortumit. Qajartortartut 110-t Qaannamik Unammersuarnermut (QU) peqataallutik Nuummiipput.
Ippassaq naatsumut parrunneq unammissutaavoq, ullumikkullu ilaatigut stafetsertoqassaaq.
Qajartortartut sisamanik ukiullit
Peqataasut ukiui naapertorlugit eqimattakkuutaarlugit immikkoortinneqarsimapput, sisamanik ukiulinniik 60-it sinnerlugit ukiulinnut. Unammersuarnerit ataasinngornermi iligiikkaarluni parrunnermik ataasinngornermi naggaserneqassapput. Ullup siuliani maqittarluni parrunneq isiginnaartunit nuannarineqarluartartoq malinnaaffigineqarsinnaavoq.
Sermitsiaq.AG-p assiliisua Leiff Josefsen unammersuartunik assiliiartorsimavoq. Assilisai saqqummiutillataassavagut.
Tv-kkut toqqaannartumik aallakaatitsineq
Ataasinngornermi aamma arnamik angummillu qajartullammammik toqqaasoqassaaq. Najugaqavissut kisimik qajartullammattut toqqarneqarsinnaapput. Kina nersornaaserneqassanersoq unammeriaatsini assigiinngitsuni pointit aalajangiisuusarput.
Qaannamik pissartanngorniunnerit juulip ulluisa aqqaneq-aappaanniit 18-iat ilanngullugu KNR-TV-kkut toqqaannartumik ullut tamaasa nal. 09:30-niit – 11:30-nut aamma 13:00-miit – 17:00 tungaanut aallakaatinneqartassapput.
Aamma KNR-radiukkut marlunngornermiit tallimanngorneq ilanngullugu nal. 10.07-miit 12.00 tungaanut toqqaannartumik aallakaatitsisoqartassaaq. Kiisalu ataasinngornermi nal. 15.00 –miit 16.30 tungaanut aalakaatitsisoqassalluni.
Uani nittartakkami aamma Peqatigiiffik Qajaq Nuup Facebookimi quppernerani unammersuarneq pillugu malinnaasoqarsinnaavoq.