Nuuk
Illoqarfiit pingaarnersaanni politiit nalunaarsugaat
Nuummi politiinut sapaatip akunnerata naanera eqqissisimanarsimavoq. Illoqarfiilli pingaarnersaanni angallataatileqatigiit aamma tillinniarfigineqartalerput
Tallimanngormat Sisimiuni politiit oqaluttuarput illoqarfiup umiarsualiviani meeqqat arlaleriarlutik tillinniartarsimasut. Aamma Nuummi aasaanerani tamanna atugaavoq.
Sapaatip akunnerata ingerlanerani Nuummi politiit Iggiaani umiatsuat talittarfiini puttasuni tillinniarnernik ulapissimapput. Tassani tillinneqarsimapput:
1. Qoorortuuaraq Magnum kaliber 22 qinngutitalik.
2. Qinngutit Carl Zeiss
3. Kavaajaq Arx´tyrix-imik meqqilik.
Nalunaarutiginninnissat ujartorpaat
– Tamatumunnga atatillugu inunnit tillinniarnernik tamakkuninnga paasissutissiisinnaasunit tusarusuttorujussuuvugut, Nuummi politikommissæriugallartoq Mads Lynge oqarpoq.
– Oqaatigineqarsimavoq qularnanngitsumik nukappissat inuusuttut marluk arnarlu inuusuttoq tillinniarsimasut. Politiit inuit tililnniarfigitissimasut qinnuigaat tamanna nalunaarutigeqqullugu, qanoq tillinniartigisoqartiginera paasiumallugu.
Sapaatip akunnerata naanera eqqissisimanarsimaqaaq, politiit ikittuinnarnik suliassaqarsimallutik. Sapaatip akunnerata ingerlanerani illumi perulluliornerit ikittuinnaasimapput.
Kisitsisinngorlugit imaapput:
– Illumi perulluliornerit tallimat, pisuni sisamani meerartaqarluni.
– Aqqusinermi perulluliornerit pingasut.
– Tillinniarnerit assigiinngitsut 28-t.
– Inummik ulorianartorsiortitsinerit/nakuusernerit arfinillit.