Illoqarfiit pingaarnersaanni IA aamma Siumut kinguariarput
Inuit Ataqatigiit Nuummi angusarlupput. 2014-mut sanilliullugu taasinernik 1.201-nik annaasaqarput katillugu 13,8 procentimik kinguariarlutik. Siumut taama kinguariartiginngilaq
Illuanilli Demokraatit illoqarfiit pingaarnersaanni nuannaaqaat. Tassani partii taanna 4,5 procentimik siuariarput, tassa taasinernik 451-nik.
Ajugaasoq alla tassaavoq Partii Naleraq 41 procentimik siuariariartoq – taassuma assigivaa taasinerit 390-it.
Suleqatigiissitsisut Michael Rosing-mit aamma Tillie Martinussenimillu siuttuuffigineqartut 912-nit taaguunneqarput tassa 9,9 procentinit.
Partii taanna Inatsisartunut iseqqajaavoq. Iluatsissappat partiimi siulittaasoq Michael Rosing ikiortigilluakaminit Tillie Martinussenimit qaangerneqassaaq, taannami siulittaasuminit 100-nik amerlanernik taaguunneqarpoq.
Illoqarfiit pingaarnersaanni Siumut 5,2 procentimik kinguariarpoq taasininngorlugu 440-nik. Atassut 237-nit taaguunneqarpoq 2,6 procentinit, kiisalu Vittus Qujaukitsoq 234-aannarnit taaguunneqarluni.