Illoqarfiit 13-it imminut toquttarnermut akerliussutsimik takutitsipput
- Suliaq aatsaat aallartippoq, aallarniisoq Niviaq Korneliussen taama oqariartuuteqarpoq.
Inuit illoqarfinni 13-ini imminut toquttarneq pillugu malunnaateqarnerusumik iliuuseqartoqarnerunissaa anguniarlugu akerliussutsimik takutitsillutik eqqugaasut eqqaaniaramikkit, innuttaasut politikerinut ersarissumik oqariartuuteqarput. Nuummiinnaq inuit 350-it missaanniittut peqataapput.
Atuakkiortoq Niviaq Korneliussen aallarniisut ilagaat, nunalu tamakkerlugu tapersersuinermut qujassuteqarpoq.
- Inatsisartunut ikioqqulluta oqaligiarama najigaqarfinni assigiinngitsini suleqatikka tamaavissi uummatinniippusi, taanna Facebookimi allappoq.
- Ilissi peqqutaallisi nukissaqarpugut, ilissi peqqutaallisi neriuuteqarpugut. Qujanaq qujanaq qujanaq nukippassuit aterligit ikiuukkassi, tamaavissi eqissinnaassuugussi eqikuluussagaluarpassi. Kivitseqataavusi. Ullumi inivit iniinermi artersartit tusarnaarpagut. Ataatsimoorutta sapinngilagut. QUJANAQ.
- Killitsisimaqaanga. Inuusuttunnguit suleqatigisartakkakka iniinermi artersartit ikiorneqarneq ajortut qamaniitippakka, nalinngilarsi kikkiinerlisi. Ilissi pillisi iliuuseqarpugut. Erligivassi. Iijaavatsi.
- Suliaq aatsaat aallartippoq. Inivit taamak amerlatigisit peqataammata nukkappugut. Siunertaq ersarippoq: Inivit iniinermi artersartit ikiorneqarlik.
Assiliisup Mads Reimerip Aasianni akerliussutsimit takutitsinermit assinik nassippaatigut.