Illersuisut: Ilinniartut amigaateqarnermi ikiortaassapput

Illersuisutut sulisinnaasut annertuumik amigaataapput -

Piffissami sivisuumi illersuisutut sulisinnaasut amigaataapput. Ajornartorsiut qanittukkut annikinnerulersinnaavoq. Tassami ukiaru inunnut tamatuminnga ilisimannereersunut pilertortumik ilinniartinneqarnerat aallartissaaq.

- Aallaqqaammut qinnuteqartunut immikkut ittumik piginnaasalinnik aallartinniarpugut. Assersutigalugu siornatigut politiiusimasut, siornatigut illersuisuusimasut imaluunniit inatsisilerituut. Una ilinnigaq illersuisutut sulinissamut tunngaviusumit ilinniarnermit sivikinnerugoq, nunap illersuisuunera Finn Meinel oqarpoq, taanna illersuisutut sulinermut ilinniarnermut akisussaasuuvoq.

Ilinniakkat marluk

Taassuma sinerissami tatisimaneqarneq tamatuma annikillisissinnaassagaa neriuutigaa.

- Illersuisunik nutaanik annertuumik amigaateqartoqarmat aallartissinnaanngornerput nuannerpoq. Maanna illersuisut illersuisut ulapittorujussuupput, aamma eqqartuussiveqarfiit arlallit illersuisunik nutaanik ujartuisut ilisimavara.

Illersuisutut ilinniarneq siornat aallartittussaanikuugaluarpoq. Kisianni piffissami tassani naalagaaffik naammattunik ilinniakkamut aningaasaliinngimmat aallartissinnaanikuunngilaq.

Maanna danskit aningaasanut inatsisaanni aningaasanik amerlanerusunik immikkoortitsisoqarpoq, kisianni qanorpiaq atorneqarnissaat aatsaat aggustimi aalajangiunneqassaaq.

Taamaattumik Finn Meinelip ilinniakkat marlunnik alloriarnertalerlugit aallartinniarpai.

- Ilinniakkat assigiinngitsut marluupput, tassa inunnut immikkut piginnaasalinnut ilinniagaq, aammalu tunngaviusumik ilinniagaq (nalinginnaasoq). Maanna ilinniakkamut siullermut taakkartukkamut piukkunnartut ujartorpagut.

Powered by Labrador CMS