innarluutillit illersuisuat
Illersuisoqarfik Tilioq-mik atserneqarpoq
Illersuisoqarfik, innarluutillit illersuisuata Sisimiuni sullivissaa, Tilioq-mik aterneqarpoq. Massakkullu ilisarnaammik unammisitsisoqalerpoq.
Oqaaseq Tilioq arlalinnik ajunngitsunik isumaqarpoq.
- Tilioq tassaasinnaavoq "kammak”, imaluunniit oqqersuummik isumaqarsinnaalluni. Oqaaseq taannarpiaq oqqersuutaasinnaasoq tulluartutut naliliiffigineqarpoq, "illersuisup" suliassaasa ilagimmassuk allat sinnerlugit oqariartuuteqartarnissaq allanilluunniit oqariartorfigineqarsinnaasoq. Ateq nassaarineqarpoq atuakkami “Kalaallit Aqqi”, Nuka Møller-imiit, tusagassiuutinut nalunaarummi allassimasoqarpoq.
Innarluutillit illersuisuat ilisarnaammik pisariaqartitsivoq, ajugaasorlu 4.000 koruuninik akissarsitinneqassaaq. Siunnersuut januarip 6-iani innarluutillit illersuisuanut Christina Johnsenimut tunniunneqareersimassaaq.
Ilisarnaat pillugu allassimavoq:
- Innarluutillit illersuisoqarfiata atertaava Tilioq-up isumaa ”oqqersuut” ilisarnaatissami aamma ersersinneqassaaq.