Birna Brjánsdóttir
Illersuisoq: Immikkoortitaalluni paarnaarussaaneq akuerineqarsinnaanngilaq
Polar Nanumi inuttamut illersuisoq tigummigallarneqartup immikkoortitaalluni paarnaarussaaqqaneranut peqqutaasumik amigaateqarnerarpoq
Birna Brjánnsdottirip inuartarineqarneranut pasisaasoq sapaatip akunneri tallimat qaangiussimalerput politiinit tigummigallarneqalermalli.
Polar Nanumi inuttaaqatini peqatigalugit januaarip ulluisa 18-ani tigusarineqarput, taamanili immikkoortitami paarnaarussaaqqalerpoq ilai aninguereersut.
Atuaruk: Islandimi politiit misissuineq naammassingajalissallugu neriuutigaat
Sapaatip akunneri tallimat sinnerpai
Toqutsisimasutut pasineqartoq maanna ulluni 39-ni allanut attaveqanngilluinnarpoq.
Tamannalu pisariaqanngitsoq illersuisuata Islandimi TV-kkut oqallinnermi oqaatigaa. Islandimi nutaarsiassaqartitsiviit arlallit illersuisoq Paul M. Rúnar Kristjánsson immikkut paarnaarusseqqaneq pissutissaqannginneraraa allaaseraat.
- Immikkut paarnaarussaaqqarnera akuerineqarsinnaanngitsoq isumaqarpunga. Tunngavilersuummik akuersaarsinnaasannik suli tusagaqanngilanga, Paul Runar ruv.is visir.is-illu oqaasia issuaaffigaat.
Atuaruk: Birnamut suliami paarnaarussaaqqasoq killisiorneqartoq
Sisamanngormat eqqartuussivimmeeqqippoq
Reykjavikimi eqqartuussiviup pasineqartup tigummigallarneqarnera sapaatip akunnerni marlunnik sivitsorpaa, tassa februaarip 16-ianut. Eqqartuussiviup taamaasilluni pingajussaa pasineqartup tigummigallarneqarnissaa sivitsuiffigalugu.
Pineqartoq martsip aappaani eqqartuussisumut sassartinneqaqqissaaq.