nuummut tikeraarneq
Illersornissamut ministerimut apeqqutissaqarpit?
Illersornissamut ministeri Peter Christensen (V) ataasinngornermi Nuup Katersortarfianut pulaassaaq
Nuummi Katersortarfimmi ataasinngornermi Illersornissamut Qullersaqarfik paasititsiniaassaaq, tassani sakkutooqarfimmi sulilernissamik soqutiginnittunut tamanut saqqummersitsisoqassaaq.
Taanna pilerisaarinermut annertunerusumut ilaavoq, sakkutuut aggustip 16-anit septembarip tallimaat tikillugu illoqarfinni annerni inuusuttunik sakkutuussarsiorput.
Atuaruk: Sakkutooqarfik kalaallinik inuusuttunik sakkutuussarsiorniarpoq
Angalasut ullumikkut Nuummiipput, illersornissamullu ministeri Peter Christensen (V) ullormi peqataaniarluni aalajangersimavoq.
Sakkutuut Nunatsinniinnerat imaluunniit Nunatsinniippallaannginnerat oqallisaaqqilernerata nalaani tamanna pivoq.
Atuaruk: Upalungaarsimanissaq pillugu Qallunaat Nunaannik isumaqatigiissut nutaaq
Sermitsiaq.AG ataasinngornermi ualikkut ministerip tusagassiortunik katersuutsitsineranut peqataassaaq, tassungalu atatillugu atuaasartut tassunga apeqquteqarusunnersusi apererusuppassi.
Oqaaseqartarfimmi allagit imaluunniit mailimut niels@sermitsiaq.ag nassiussigit