Skip to main content

Iliuuseqarasuarneq: Sarfaannguanit angallatit peerneqassapput

Kommuneqarfik Sermersuup angallatit Nuummi Sarfaannguani unioqqutitsilluni pitunneqarsimasut sukannersumik iliuuseqarfiginialerpai. Piginnittut marlunngornermi angallatiminnik nuussinissaminnut periarfissinneqarput.

Marlunngornerup unnuaani anorersuarnerani Nuummi Sarfaannguani puttasuliat pituussaarsimapput.

- Takinerpaaffissatut akuerisaasumit 20 fodsimit takinerusunik umiatsianik pitussimasoqarneranik tamanna peqquteqarpoq, Kommuneqarfik Sermersooq nittartakkamini allappoq.

Piginnittut akiligaanik nuunneqassapput

Taamaammat Kommuneqarfik Sermersooq aalajangersimavoq angallatit unioqqutitsilluni pitunneqarsimasut sukannersumik iliuuseqarfiginialerlugit.

- Umiatsianik piginnittut ullumi ulloq (marlunngorneq, aaqq.) umiatsianik nuussinissaminnut periarfissinneqarput. Aqagu (pingasunngorneq, aqq.) nuunneqarsimanngitsut nuussavagut, inuttaata akisussaaffigisaanik, Kommuneqarfik Sermersuumi ingerlatsinermi avatangiisinullu pisortaq Frank Rasmussen oqarpoq.

Kommuneqarfik Sermersuumit ilanngullugu ilisimatitsissutigineqarpoq umiatsiat nuunneqanngitsut sumut ilineqassanersut Kommuneqarfik Sermersuumit misissorneqaleruttortoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER