Narsaq
Ilitsoqqussaralugu oqaatsit unnuat
Narsami inuit 20-t missaanniittut aaqqissuussinermi peqataapput, katersortarfimmi bingo-rnermik unammineqarlutik
Ilitsoqqussaralugu oqaatsit pillugit aaqqissuussisuuvoq kulturimut immikkoortoqarfik. Aaqqissuussineq Narsami piffissami tassani katersortarfimmi bingo-rnermik unammineqartoq. Inuilli 15-it kulturip innuttaasullu illuannut A21-mut takkupput, tassani oqalugiartartut ataqqineqartut misilittagallit marluk kujataani sumiorpalussutinik oqaluttuarlutik.
Siulleq tassaavoq 82-inik ukiulik Frederikke Petrussen, Amandus Petrussenip uillarnera. Taassuma oqaatsitigut misilittakkani oqaluttuarai, siullerpaamik Kalaallit Nunaanni angalasarnermini arnanik allanik naapitsisarnerminit. Oqalugiaataa soorunami Alluitsup Paa-miutut ingerlanneqarpoq.
Tamatuma kingorna ajoqi soraarnerup Sebulon Poulsenip, 80-inik ukullip, Qassimiut avannaani nunaqarfimmi inuerussimasumi Saqqamiuni inunngorlunilu peroriartorsimasup, Qassimiut eqqaanni immikkut oqaatsit sumiorpalussutsillu oqaluttuarai.
Unillatsiartarnerni katersugaasiviup pisortaa Jesper Stormly Enevoldsen guitarerluni erinarsorluni aliikkusersuisarpoq - Aalborg-imiorpaluilluni.