Den sidste rejse
Ilisinissamik aaqqissuisartup Jonathan ikiorniarpaa
– Kikkut tamarmik qinngaqqunnanngitsumik maanngaanniit aallassapput. Ilisinerit angerlarsimaffeqanngitsunut amerlasuunut, attaveqarfippassuaqarsinnaasunut, aamma pingaaruteqarput, Tonni Nilausen, ilisinissamik aaqqissuisatoq, tv2.dk-mut oqarpoq
Jonathan Sanimuinnaap, juulip 13-ianni Aarhusimi toqusup, ilisaanissaa ajunngitsumik naammassineqangajalerpoq.
Taamatut allappoq tv.2.dk.
Jonathan Sanimuinaq, Aarhusimi angerlarsimaffeqanngitsutut inuusimasoq, toqussi sioqqullugu Viborg Kommunemut nuuppoq. Taamaasiorsimavoq tassani arnamik ikinnguteqarami, tamannalu pissutigalugu ilisaanissaa Viborg Kommunep isumagisassaraa, tassa Jonathan Sanimuinnaap ikinngutai ilaqutaalu ilisinissamut akissaqanngimmata. Maannali Fynimit ilisinissamik aaqqissuisartoq ikiuunnialerpoq, nutaarsiassaqartitsivik tv2.dk allappoq.
– Kikkut tamarmik qinngaqqunnanngitsumik maanngaanniit aallassapput. Aaqqiissaqannginneq akuerineqarsinnaanngilaq. Ilisinerit angerlarsimaffeqanngitsorpassuarnut, attaveqarfippassuaqarsinnaasunut, aamma pingaaruteqarpoq, Tonni NIlausen tv2.dk-mut oqarpoq.
Taamaattumik ilisinermi ilaqutariit aningaasatigut ikiornissaannik neqeroorfigai.
Aamma atuaruk: Jonathan Aarhusimi ilineqarsinnaanngilaq
– Kingusinaanngippat ilaqutariit akeqanngitsumik aningaasaliiffigerusuppavut. Ilerra, urne, ingerlannera, naasut, ikuallanneralu, taanna tv2.dk-mut mail-ikkut allappoq.
Kisianneqarporli.
Pilersaarutaavoq marlunngornermi ilisaassasoq, Jonathan Sanimuinnarlu Aarhusimit Viborg-iliaanneqareersimammat kommunip pilersaarutai imaasiallaannaq allanngortinneqarsinnaanngillat. Viborg Kommunemilu suliamik suliarinnittoq sapaatip akunnerata naanerani suliarinnikkusunngilaq. Taanna nutaarsiassaqartitsivimmut tv2.dk-mut oqarpoq:
– Sapaatip akunnerata naanerani oqaluuserinianngilara. Suliffiga ataasinngorpat sianerfigisinnaavat, Mona Graversen tv2.dk-mut oqarpoq.
tv2-mit oqaluttuaq tamaat atuaruk uani