Skip to main content

Ilisimatuut TB-mut akiuussutissanik ukiut 100-it iluanni aatsaat nassaartut

Tuberkulose-mut, nunarsuarmi nappaatit toqussutaanerpaat ilaannut, akiuussutissaq nassaarineqartoq nassaartunit nuannaarutigineqarpoq.

Qallunaat ilisimatuut Statens Serum Institut-imeersut nappaammik inunnit toqussutaasinnaasumut tuberkulose-mut akiuussutissamik takussutissartalimmik iluaqutaasumik nassaarsimapput.

Akiuussutissaq nassaarineqartoq 1920-ikkunili akiuussutissaq Calmette-vaccinen-imik taaneqartartoq nassaarineqarmalli, aatsaat nassaarineqaqqippoq. Taama Jyllands-Posten allaaserisaqarpoq.

Nassaarineqartup ineriartorteqqinneqarluni tuberkulose-mut akiuiniarnermi iluaqutaalluarsinnaanera naatsorsuutigineqarpoq.

Nappaat nunarsuarmi inuit pingajuata tamarmik tunillatsiffigisimasaraat ilimagineqarpoq, nunanilu piitsuniunerusoq najugaqartunut inuit ukiumut 1,7 milliunit toqqutigisaraat ilimagineqarluni.

Statens Serum Institut-imi ilisimatusarnermut pisortap, Peter Lawætzip akiuussutissamut nassaartut ilagivaat, taannalu isumalluarpoq.

- Ukua inernerit angusaapput imaannaanngitsut, ilimanarluinnarporlu neriuuteqalersitsisinnaasut nappaatip akiorneqarsinnaalerneranut, taama aviisimut taanna oqarpoq.

Ilisimatuut nunarsuarmit tamarmeersut tuberkulose-mut akiuussutissamik ukiorpassuarni nassaarniarsimapput, Calmette-vaccinen-i meeqqanuunerusoq kisimi atorneqarsinnaammat.

Akiuussutissaq aamma taanna sunniutaarukkiartortarsimavoq inersimasunut akiuussutissamik tunineqarsimasunut malunniutaaruttarsimalluni.

Maannamullu terissat atorlugit misileraasarnerni inernik pitsaasunik inunnut aamma atorneqarsinnaasunik iluatsisoqartarsimanani.

Ilisimatuut naapertorlugit akiuussutissap nutaap aamma pitsaaqutaasa ilagivaat, Calmette-vaccinen-ip, qallunaallu meerartaasa siornatigut tamarmik pisarsimasaata, akerlianik tuberkulose-mut akiuussutissanut akiuussinnaalersimasumut iluaqutaasinnaammat.

Tuberkulose akiorneqarsinnaanngikkallarmat akiuussutissamillu nutaamik nassaartoqanngippat nungutivinneqarsinnaanngikkallarluni, maannamut akiuussutissaq nassaarineqartoq nakorsanit nunat killeqarfii sinnerlugit suliaqartartunit nuannaarutigineqarpoq. Aamma Rigshospitalimi Infektionsmedicinsk Klinik-imi pisortap, Åse Bengård Andersenip, nassaarineqartoq nuannaarutigaa.

Nassaarineqartup Calmette-vaccinen taarsersinnaanngikkallarpaa. Misileraaqqinnerilli ineriartorteqqinnerillu nutaat aallartinneqassapput, iluatsissappatalu akiuussutissaq nutaaq ukiut tallimat arfineq-pingasullu ingerlanneranni atorneqalersinnaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER