Camp Century

Ilisimatuut: Eqqagassaq ulorianartumik qinngornilik akuerineqarsimavoq

Camp Centurymi radioaktiviusunik qinngornilimmik aniatitsinissamut Danmark akuersisimavoq. Taamaattorli imeq radioaktiviusoq piumasaqaatit sakkortuut iluanniittussaatinneqarsimavoq

Sermersuup ataanut imeq radioaktiviusoq aniatinneqarnissaanut Danmark akuersisimavoq. Allagaatitoqqat KNR-imit misissorneqarsimasut tamanna takutippaat.

Atuaruk: Camp Century: Kristian Jensen (V) iliuuseqarnissamik neriorsuivoq

Lektori Kristian Hvidtfeldt Nielsen, Aarhus Universitetimi Center for Videnskabsstudierimeersoq Camp Century pillugu atuakkiamik suliaqarpoq, tassungalu atatillugu allagaatitoqqat Risømeersut saqqummiuppai, taakkulu KNR-imut takutissimavaat.

Fysikerit marluk Risømi ilisimatusarfimmeersut taamanikkut sermip ataani Amerikamiut atomreaktoriliornissaanut pilersaarutaannik saqqummiussiffigineqarput.

Atuaruk: Aaja Camp Century pillugu isumasioqatigiinnermut pakatsisoq

- Eqqakkanut imerpalasunut qinngornernik ulorianartunik radioaktivinik akulinnut tunngatillugu, taakku sermersuup iluanut toqqaannartumik kuutsinneqarsinnaanissaat illersorneqarsinnaalluinnartutut nalilerparput, taakku KNR naapertorlugu 1960-imi Danmarkip naalagaaffiata atomimik nukissiuuteqarnermut ataatsimiititaliameersuanut allapput.

Danmarks Tekniske Universitetimi (DTU) atomip nukinganut tunngatillugu teknikkikkut misissuisoqarfimmi ilisimatuut pisortaat, Sven P. Nielsen, taamani radioaktivinut killissanut sakkortuumik piumasaqaateqartoqarsimaneranik naliliivoq. Paasissutissat nutaat pillugit ima oqarpoq:

- Tamanna ernumanartoqartinngilara.

Powered by Labrador CMS