videnskab.dk
Ilisimatusartut: Isikkamik arsaannikkut saarnit iluaquserneqarsinnaasut
Danskit misissuinneranni takutinneqarpoq, isikkamik arsaattartuuneq utoqqalinermi saarnginut iluaqutissataqarsinnaasoq. Tamanna napinissamut annikillisaataasinnaavoq
Inuunerpit sivisunerpaaffiani sapaatit-akunneranut arsartarsimaguit, 70-it missaanni ukioqaleruit saarngitit ninngusuujunissaannut periarfissaqarluarpoq.
Saarnit ninngusuut
Allaammi saarngrit, 25-leereersimasup sungiusarneq ajortup saarngiisa ninngussusaat assigisinnaallugit.
Danskit misissuineranni nutaami inerniliisoqartoq, Videnskaben.dk allappoq
Arsaattartuusimasut saarnii tupinnaannartumik ninngussuseqartut
Isikkamik arsaannerup taama malunnaateqartigisumik saarnginut sunniuteqarsinnaanera, misissueqatasut ilaata – saarngit mineralinik akuinik, ukkatarinnittup – tupaallaatigaa.
- Isikkamik arsaattarsimasut 70-nik ukiullit saarnii 25-nik ukiullit sungiusarneq ajortunut saarniinut sanillersuussinnaapput, saarnillu ilaat soorlu niuisa mineralimik akoqassusaat 7,3 procentimik qaffasinnerulaarput.
- 70-nik ukiullit sungiusartarsimasimasut tamarmik saarnii ninngusoorujussuupput, taamaattoqarnera tupinnaqaaq, inuiaqatigiinnilu saarnit ninngussusaanut suliniutissatsialaasinnaalluni, Institut for Idræt og Biomekanik ved Syddansk Universitet (SDU)-mi professoriullunilu ilisimatusarnermut aqutsisoq, Peter Krustrup oqarpoq.
Peter Krustrupip misissuinermi suleqataatalu Marie Hagmanip pr.d-nngorniatup misissuineq ingerlassimavaat.
’Saarninut-professori’: Arsartuaannaritsi!
Aarhus Univesitetimi ilisimatusartoq professor Bente Langdahlip saarnit ninngussusaat misissorsimavai.
Bente Langdahl isumaqarpoq, misissuinermi paasissutissanik tutsuiginartunik katersisoqarsimasoq, taamaammat timip peqqissuunera attatiinnarneqassappat timersorneq ingerlatiinnarneqartariaqarpoq:
- Matumani naqissuserneqarpoq, timit aalatillugu, arpannermik, pissinnermik assigisaanilluunniit aalasarnermik timersortaruit, taamaappat timersornerit ingerlatiinnariuk!
Ataasiakkaanilu nalorninngilluinnarpoq: Københavns Universitetimi aamma Rigshospitaletimi SDU-mi ilisimatuut saarnit mineralinik akoqassusaat ilaatigut uuttortarsimavaat. Tamanna ”aallaaviulluarsinnaavoq”, inuimmi annertuumik saarnimikkut mineralinik akullit saarnii ninngunerukkajuttarput.
Saarnit sannaat
Napinissamullu navianassuseq ilisimarusukkaanni, saarnit sannaat aamma takuneqartariaqarpoq, tamannalu ukioqqortusiartornermi sanngiilliartortarpoq, Bente Langdahl nassuiaavoq. Tamanna CT-skannertinnissamik assigaasinnilluunniit aatsaat takuneqarsinnaavoq.