takussutissaq

Ilisimatusartut aningaasaliiffigineqartut

Peqqissutsimut tunngasunut suliniutit arlallit Naalakkersuisunit aningaasaliiffigineqarput - suliniutit aningaasaliissutillu takukkit

Peqqissutsimut Naalakkersuisoq Siumumeersoq Doris Jakobsen

Peqqinnissamik ilisimatusarnermut Peqqissutsimut Nunanillu Avannarlernik suleqateqarnermik Naalakkersuisoqarfimmit peqqinnissamut aningaasanik agguaassinissaq Peqqinnissamut Naalakkersuisup Doris Jakobsenip ullumikkut akueraa.

- Peqqinnissamik ilisimatusarnermik assigiinngiiaartorpassuarnillu suliniuteqarnissamik soqutiginnittoqartorujussuunera nuannaarutigaara. Nunatsinnit ilisimatusartunit amerlasuunik qinnuteqartoqarnera aamma nuannerpoq. Peqqinnissaqarfiup ineriartortinneqarnissaanut Peqqissutsimut Naalakkersuisutut kissaatigisannut isumalluarnarpoq, Doris Jakobsen tusagassiuutinut nalunaarummi oqarpoq.

Uku aningaasaliiffigineqarput:

  • Nakorsaq Carl Frederik Brandt Simony uummatip nukiani (purulent perikarditis) aseruuttarneq pillugu ilisimatusarnissamut. Nappaat toqussutaasartorujussuaq. Ilisimatusarneq pillugu allaatigisap saqqummersinneqarnissaanut 8.978 koruuninik taperneqarpoq.
  • Nakorsaq Nadja Albertsen ukiuni kingullerni tallimani Kalaallit Nunaanni syfilisertarneq pillugu ilisimatusarneq. Ilisimatusarneq allaatigisap allanissaanut saqqummersitsinermilu aningaasartuutinut 13.930 koruuninik taperneqarpoq.
  • Sociologi, ph.d Christina Viskum Lytken Larsen 2015-imi Finlandimi Oulumi ataatsimeersuarnissami The 16th International Congress on Circumpolar Health – Focus on Future Health and Wellbeingimi ilisimatusarnermit paasisanik saqqummiussinissamut atatillugu aningaasartuutit matussutissaatut tapersiissutit. Qinnuteqaat 8.500 koruuninik taperneqarpoq.
  • Nakorsaq Louise Holm Schæbel nerisat uummatip taqarsuini nappaatit pilertarnerinut pingaaruteqartunik misissuinermut. Ilisimatusarnissap aallarnisarnissaa 30.000 koruuninik taperneqarpoq.
  • Cand. Scient Nina O. Nielsen vitaminip D-p Kalaallillu Nunaanni sukkornerup imminnut atanerat pillugu misissuinermut. Ilisimatusarneq allaaserisap allannissaanut atatillugu 50.000 koruuninik taperneqarpoq.
  • Tamassuma saniatigut 2015-imi oktobarimi Peqqinnissamik ilisimatusarneq pillugu sapaatip akunneqartitsinissamut 40.000 koruuninik tapersiisoqarpoq. Tapersiissutit ilinniartitsisut PhD-ngorniallu angalanissaannut tapiissutitut tunniunneqarput.
Powered by Labrador CMS