Ilisimatusarfik
Ilisimatusarnermut immikkoortortat nutaat marluk
Ilisimatusarfik ilisimatusarnermut immikkoortortanik nutaanik marlunnik februaarip aallaqqaataaniit pilersitsilerpoq
Ilisimatusarfik februaarip aallaqqataani marlunnik nutaanik immikkoortortoqalerpoq, tassalu Inuiaqatigiilerinermut Tusagassiornermullu Immikkoortortaq aamma Upperisarsiornermut, Oqaasilerinermut Oqaluttuarisaanermullu Immikkoortortaq.
Inuiaqatigiilerinermut Tusagassiornermullu Ilisimatusarfimmi pisortanngussaaq, Cand. Psyk. Mette Sonniks, maanna Isumaginninnermut Ilisimatusarfimmi ulluinnarni ingerlatsisuusoq. Inuiaat Piorsarsimassusaanut, Oqaasilerinermut Oqaluttuarisaanermullu Ilisimatusarfimmi pisortanngussaaq, ph.d., Cand. Phil., Gitte Trondheim, maanna aamma Inuiaat Piorsarsimassusaanut Oqaluttuarisaanermullu Immikkoortortaqarfimmi ulluinnarni ingerlatsisuuvoq.
- Ilisimatusarfinni pisortanngortut aqutsinikkut suleqatiginissaat qilanaaraara, aamma ilinniartitsinerup ilisimatusarnerullu pitsaassusaanik ukkatarinninnissaq suliassaqarfiillu akornanni suleqatigiinnerup nukittorsarneqarnissaa eqqarsaatigalugu, rektor Tina Pars oqarpoq.
Taama Ilisimatusarfik tusagassiuutinut nalunaarummini allappoq.
Ilisimatusarfiit taakku marluk pilersinnerinut siunertaavoq suliassaqarfiit sunniivigeqatigiinnerunissaat aamma ilisimatusarnermi suliassaqarfiit akornanni suleqatigiinnerulernissaq. Tamanna ilinniartut ilisimasaqalernissaanut iluaqusersuiinnarani aamma inuiaqatigiit iluanni suleqateqarnermut paasissutissiisarnermullu iluaqusiissaaq, Ilisimatusarfik taama allappoq.
Inuiaqatigiilerinermut Tusagassiornermullu Ilisimatusarfik makkuninnga immikkoortortaqassaaq:
- Inuiaqatigiilerinermut Immikkoortortaqarfik
- Tusagassiornermut Immikkoortortaqarfik
- Isumaginninnermmut Immikkoortortaqarfik
- Aningaasaqarnermut Aqutsinermullu Immikkoortortaqarfik. Naatsorsuutigineqarpoq HA-mut ilinniarneq septembarip aallaqqaataani aallartinneqassasoq
Inuiaat Piorsarsimassusaanut, Oqaasilerinermut Oqaluttuarisaanermullu Ilisimatusarfik makkuninnga immikkoortortaqassaaq:
- Inuiaat Piorsarsimassusaanut Oqaluttuarisaanermullu Immikkoortortaqarfik
- Upperisarsiornermut Immikkoortortaqarfik
- Oqaasilerinermut, Atuakkialerinermut Tusagassiuutilerinermullu Immikkoortortaqarfik
- Nutserinermut Oqalutaanermullu Immikkoortortaqarfik