Ilisimatusarfimmi perngaamik ph.d-mik illlersuisoqalerpoq
Teolog Katrine Kjærgaard Kalaallit Nunaanni assilialiat bibelimit isumassarsiffiusut pillugit allaatigisani, ph.d-liani, tallimanngornermi illersussavaa.
– Kalaallit Nunaata universititiani Ilisimatusarfimmi perngaamik ph.d-imik illersuisoqassaaq, Ilisimatusarfiup 2001-imi ph.d-imik soraarummeersitsisinnaaneq pisinnaatitaaffigilermaguli, Estrid Janussen Ilisimatusarfimmit nalunaarpoq.
– Katrine Kjærgaardip ph.d-inngorniutaata imaraa Kalaallit Nunaanni 1721-p kingorna assilialiat bibelimit isumassarsiffiusut atorneqarnerat aammalu takorluukkat nunami innuttaasut kinaassusiannut eqqarsartaasiannullu qanoq sunniuteqarsimanerat imaqa.
Ph.d-inngorniutip qulequtaraa 'Grønland som del af den bibelske fortælling: Studier i billeder og forestillinger 1721-2008' (Kalaallit Nunaat bibelip oqaluttuassartaannut ilaatillugulusooq: 1721-2008 Assilissat takorluukkallu misissuiffigalugit, aaqq.)
Illersuinissaq lektor ph.d Tine Parsimit ingerlanneqassaaq nalilersuisussatut ataatsimiititaliamiittut tassaallutik lektor, ph.d. Kirsten Thisted, Københavns Universitet, professor, dr.phil. Arne Bugge Amundsen, Oslo Universitet aamma lektor, lic.phil. Ole Marquardt Ilisimatusarfik, siulittaasuulluni.