Nuuk
Ilisimatusarfik allagartartaartitsinissamut piareerpoq
Ilimmarfimmi atuartut allagartartaartinneqassapput tallimanngorpat. Tassani 33-it bachelorinngortut kiisalu arfineq pingasut kandidatinngortut uppernarsaatertik tigussavaat
Annonse
Campus Ilimmarfimmi persuarsiortoqassaaq aqagu tallimanngorpat. Tassani ilinniakkamik naammassisut uppernarsaatitik tigussavaat.
Uppernarsaammik tigusisuussapput bachelorinngortut 33-it kiisalu kandidatinngortut arfineq pingasut.
Tamanna Campus Ilimmarfimmi tallimanngornermi nalunaaqutaq 10.00 pissaaq.
Ukioq kingullermut sanilliullugu, ukioq manna bachelorinngortut ikinnerupput, ukioq kingulleq 45-mmata. Kandidatinngortut ukioq kingulleq aamma arfineq pingasuupput.
Angusarissaarnerpaat pisarnertut akissarsitinneqassapput. Bachelorinngortuni angusarissaarnerpaaq KNI-mit akissarsitinneqassaaq, Sulisitsisut kandidatinngortumut angusarissaarnerpaamut akissarsititsissalluni.