Nuuk

Ilisimatusarfik allagartartaartitsilerpoq

Kandidatit arfineq pingasut bachelorillu 45-rut soraarummeersimanermut uppernarsaatitik Nuummi tigussuaat

Siorna Ilisimatusarfimmi allagartaartitsinermi assilisaq

Nuummi tallimanngorpat Ilisimatusarfimmut nalliuttorsiungaarfiussaaq.

Bachelorillu 45-rut kandidatillu arfineq pingasut soraarummeersimanermut uppernarsaatitik tigussuaat.

Tamanna Ilimmarfimmi ullaakkut nalunaaqutaq qulinut pissaaq.

Siornamut sanilliullugu bachelorinngortut 14-ninik amerlanerussapput kandidatinngortullu pingasunik amerlanerussallutik.

Allagartartaartuni marluk suliat karakterillu agguaqatigiissinneranni qaffasinnerpaaneq pillugit nersornaatisissapput.

Ileqquusut malillugit ukioq manna aamma KNI bachelorimut tunniussissaaq Sulisitsisullu kandidatimut karakterit agguaqatigiissinneranni qaffasinnerpaamut nersornaammik tunisissalluni, Ilisimatusarfinnut tusagassiuutinut taama nalunaaruteqarpoq.

Assit takukkit: Assit takukkit: Universitetimit soraarummeertut tulluusimaarput

Powered by Labrador CMS