Kukkunerujussuaq
Ilinniartuusimasut kukkunikkut 400.000-nik tunineqarsimasut
Kommune Kujalliup paasinialeruttorpaa ilinniartuusimasut qanoq isilluni ilinniagaqarnersiuteqartinneqarsimanersut
Narsami Qaqortumilu Piareersarfimmi ilinniartuusimasut 60-t angullugit amerlassusillit kukkunikkut 400.000 koruuninik ilinniagaqarnersiuteqartinneqarsimapput, ilinniartuujunnaareeraluartut.
Siunnersortaanerup Michael Mikkelsenip AG-mut uppernarsarpaa Kommune Kujalleq maanna misissuisitsilersimasoq qulaajarniarlugu kukkuneq qanoq isilluni pisinnaasimanersoq.
Ilimanarporli akissutissap ilaa pigineqareersoq: Akissarsialeriffik nalunaarfigineqarsimanngilaq ilinniagaqartut tamakkua ilinniakkaminnik taamaatitsiinnarsimasut.
Ilinniartuusimasut 60-t missaanniittut
– Qulaajaanermi pisimasut, 60-it missaanniittut, ataasiakkaarlugit misissorneqassapput. Tamanna peqatigalugu nalilerneqassaaq kommunimi nakkutilliinermut periutsit sakkortusineqassanersut, siunissami taamatut kukkusoqaqqinnissaa pinngitsoortinniarlugu, Michael Mikkelsen paasissutissiivoq nangillunilu:
– Ilanngullugulu nalilerneqassaaq tamanna annertunerusumik kinguneqartinneqassanersoq.
Utertissavaat?
Apeqqutit pinngitsoorani akissutissaqartinneqartussat ilagaat ilinniartut iilnniagaqarnersiutit pisassarinngisatik utertissaneraat?
– Tamanna suli isummerfigineqanngilaq. Pisimasut misissornerisigut nalilerneqassaaq tamakkua utertinneqarnissaat piumasarineqassanersoq, Michael Mikkelsen oqarpoq.
Pisimasoq pillugu kommunalbestyrelsi kingullermik ataatsimiimmat paasissutissinneqarsimavoq. Ingerlatsiviup paasissutissiinera kommunalbestyrelsip tusaatissatut tiguvaa.
Allaaserisaq tamaat AG-mi pingasunngornermi saqqummersumi atuaruk. Aviisi aamma pisiarisinnaavat uani: