Danmarkimi ilinniarneq

Ilinniartut unitsitsiinnartarnerat filmimik pinaveersaartinneqassaaq

Københavnimi Kalaallit Illuat Danmarkimi ilinniarfinni ilinniakkamik unitsitsiinnartartut pinaveersaartinniarlugit iliuuseqarpoq

Ukiut tamaasa kalaallit inuusuttut 400-t sinneqartut Danmarkimi ilinniakkamik aallartitsisarput. Kisianni amerlavallaat tunniutiinnarlutik ilinniakkaminnik unitsitsisarput, Kalaallit Nunaannullu angerlartarlutik.

Taamaattumik Københavnimi Kalaallit Illuat filmimik 'Fald til - i stedet for at falde fra' qulequtaralugu suliaqarniarluni iliuuseqarpoq, taanna ilinniarfinni taamaatitsiinnartarnernik pinaveersaartitsissaaq.

Atuaruk: Kalaallit ilinniagaqartut Instagramikkut malinnaaffigikkit

Inuuneq allaanerusoq
- Skuumm ataani aputip sermillu qeraarpalaarnera pisukkaangama maqaasisarpara. Ukiukkut taarnera ullorissat qaammatillu apummi qinngornerat maqaasisarpara. Brugsenimut panertunik aamma agurkinik 40 koruuninik akilinnik pisiniartillunga ajaara naapinnissaa maqaasisarpara.

- Sumininnguit - ullaakkut ilaquttanut angerlarneq. Kiserliunnginneq, Danmarkimi ilinniartutut inuunermut filmimi peqataasut ilaat oqaluttuarpoq.

Oqallinneq
Saqqummiinerup kingorna, filmini peqataasut ilaannik tassani ajornartorsiutaasut pillugit oqallitsitsisoqassaaq.

Københavnimi Kalaallit Illuanni pingasunngorpat filmit saqqummiunneqassapput.

Atuaruk: Danmarkimi ilinniartut taamaatiinnartarnerat IA-p akiorniarpaa

Powered by Labrador CMS