Ilinniartut ineqarfiisa ingitserneqarnissaat akuersissutigineqarpoq

Aasiaat avannaata tungaaniittut ilinniartut ineqarfiinut tunngasoq Kommune Qeqertaliup pilersaarutaanut tapiliussaq akuersissutigineqarpoq.

Illut sisamat quleriiat ilinniartut ineqarfiisut atussallugit ullutsinnut naleqqukkunnaarsimasutut Kommune Qeqertalimmit nalilerneqarput ullumikkullu napparsimmaviup utaqqiisaasumik inissiisarfiatut atorneqarlutik.

- Taamaattumik illut piusut isaterneqarnissaat ilinniartullu ineqarfiinik nutaanik taarserneqarnissaat pilersaarutaavoq, pilersaarutip akuersissutigineqarneranut tunngatillugu kommuni allappoq.

Namminersorlutik Oqartussat nutaanik sanaartortitsissaaq
Ilinniarfiit avatangiisiinik patajaallisaasimalluni, Namminersorlutik Oqartussat aalajangersimapput, nunap ilinniarfeqarfittut illoqarfiini tallimaasuni ilinniartut ineqarfiinik nutaanik sanaartortoqassasoq – ilaatigut Aasianni. Sanaartornermik ingerlassineq, ukiuni arlalinni immikkoortukkaarlugu ingerlanneqassasoq naatsorsuutigineqarpoq.

- Immikkoortumi sanaartorfissat sisamat atugassiissutiginearput. Taakkunani inissianik 30-t tungaanoortunik ilinniartut ineqarfiinik inissialiortoqassaaq nutaanik. Taakku siniffiit 90-t missaat assigaat, Kommune Qeqertalik allappoq.

Ilinniartut ineqarfii 1966-mi atulersinneqarput.