ilinniartitaaneq
Ilinniartut illuat naalakkersuinermik suliallit oqaluuseraat
Nuuk ilinniartunut illoqalersinnaavoq Nuummi qaffasinnerusumik ilinniartunut illumik pilersitsisoqarnissaanik siunnersuut kommunalbestyrelsimi amerlanerussuteqartunit akuerneqarpat
Kommuneqarfik Sermersuumi kommunalbestyrelsemut ilaasortaq Peter Davidsen Siumumeersoq isumaqarpoq ingerlaqqittumik ilinniagaqartut ilinniarfimmik avataani naapittarfeqartariaqartut.
Nammineq siunnersuutigaa illoqarfiit pingaarnersaanni ilinniaqqinnissaq kajuminnarnerulersinnaasoq ilinniartunut illoqalerpat.
Qaammatip tulliani nanginneqassaaq
Nuuk 17.000-ngajannik inoqartoq Kalaallit Nunaanni illoqarfiit ilinniarfiusinnaasut annersaraat.
Nunatsinni ilisimatusarfituaq Nuummiippoq allallu ilinniarfiit illoqarfimmi siammarsimallutik.
Peter Davidsenip ilinniartunut illoqalernissaanik siunnersuutini kommunalbestyrelsenimut saqqummiuppaa novembarimilu naalakkersuinikkut suliarineqarnera nanginneqassaaq.
Ataatsimoornerulerneq
- Periarfissanik pilersitsisariaqarpugut qaffasinnerusumik ilinniarfinni ilinniartut Nuummi saqqumineruleqqullugit illoqarfimmilu sunniuteqarnerulernissaat aqqutissiuunneqarluni, siunnersuumminut tunngavilersuutitut Peter Davidsen oqarpoq.
Peter Davidsen isumaqarpoq ilinniartut illuat ilinniartunut avatangiisinik kajuminnarnerusunik namminersortunillu pilersitsisoqassasoq.
- Ilinniartut ataqatigiinnerunissaat pisariaqarpoq. Illoqarfimmut nunamullu iluaqutaassaaq qaffasinnerusumik ilinniarfinni ilinniartunut maligassaqqissunik avatangiisinik pilersitsisoqarpat, Peter Davidsen oqarpoq.
Allaaserisaq tamaat atuaruk, Nuummilu pisut annertuut annikitsullu takullugit. Nuuk Ugeavis uani ataani akeqanngitsumik aasinnaavat: