Nuussuineq

Ilinniartut ikioqqusut

Isumaginninnermi Ilinniarfiup Nuummiit Ilulissanut nuunneqarniarnera ilinniartut kattuffiata iluarisimaanngeqaat.

Isumaginninnermik siunnersortinngorniat Ilulissat ilinniatalersinnaapput, tamannali ilinniartuni ernumassutigineqarpoq.

Ilinniartut neriuutigaat Naalakkersuisunut oqartussanullu kaammattuipput, Ilisimatuut Ilisimatusarfiullu ataani ilinniartitsisut oqariartuutaat tusaaniaqqullugit, taakkummata ilinniarfimmut pineqartumut ilisimasaqarlutillu misilittagallit, tusagassiuutinut nalunaarummi tamanna ersersarneqarpoq.

Annertuumik ilisimasatigut pitsaassutsimilli annaasaqarfiussasoq

- Socialrådgiverit ilinniarfiat Ilulissanut nuutinniarneqarnera eqqarsarluarnerunngitsuusoq ilinniartuniit ilisimavarput, Linda Hegelundi ilinniartut kattuffianni ILI ILI-mi siulittaasup tullia allappoq.

Annertuumik ilisimasatigut pitsaassusermillu innarliillunilu annaasaqarfiussasoq ilinniartut siulittuipput. Tassungalu tunngatillugu apeqquteqaateqarlutik:

Aamma atuaruk: Nussuineq 500 millionit koruuninik akeqassaaq

- Nalakkersuisup qanoq ililluni qulakkeersinnaavaa, ilinniakkap Ilisimatusarfimmisuulli pitsaassusaa pigiinnarneqarsinnaasoq? Inuiaqatigiit qanoq annertutigisumik akiliissappat? Nuummi ilinniartitsisussaqarniarneq ajornakusooreertigisoq, qanoq iliornikkut Ilulissani ilinniartitsisoqarniarneq qulakkeersinnaavaa? Ilisimatusarfiup ataani ilinniartitsisut Proffissorillu Ilulissanut nuukkusunnerpat, misissorneqarpa? Ilinniartut sumi najugaqassappat?, ilinniartut apeqquteqarput.

Naggasiineq

Linda Hegelund naggasiilluni allappoq:

- Ilisimatusarfimmi ilinniagaq bachelorinngorfiusartoq Profesions bachelorimut apparteqqinniaqinasiuk.

Septembarip qaammataani Naalakkersuisut ilinniarfeqarfiit sisamat nuunneqarnissaanut kingunissaanut misissueqqissaarnerit naammassineqarnissaat naatsorsuutigaat. Ilinniarfiit uku Nuummiit nuunneqarnissaat kissaatigineqarput.

  • Savimminilerinermik Ilinniarfik Sisimiunut
  • Niuernermik Ilinniarfik (NI-NUUK) Qaqortumut
  • Inunnik isumaginninnermut Ilinniarfik Ilulissanut
  • Eqqumiitsuliornermik Ilinniarfik Aasiannut
Powered by Labrador CMS