Qaqortoq
Ilinniartut allagartartaartut 25-t takukkit
Qaqortumi ilinniartut naammassisut tallimanngornermi juulip 31-ani allagartartaartinneqarput
Ilinniartut 25-t ilinniakkanit assigiinngitsorpassuarneersut Qaqortumi allagartartaartinneqaqqammerput.
- Ataatsimut isigalugu siornamut sanilliullugu amerlanerulaarput. Assassorissanik iggavimmiutullu ilinniagaqartut ukiut siuliinisut amerlatigipput, alllaffimmiut pisiniarfimmiullu amerlanerulaartut, Qaqortumi Piareersarfiup pisortaa, Poul H. Jørgensen allappoq.
Pisortarlu naapertorlugu ileqquulersimasoq malillugu ilinniakkaminnik naammassinnittut allagartartaartinneqarnerannut atatillugu nuannersumik aaqqissuussisoqarpoq kaffillernertalimmik.
- Piareersarfiup tungaanit sungiusaammik suliffinnit inuusuttut ilinniagaqarnissaannut tapersersuilluarneq naggataarnersiornermilu nalliuttorsioqataaneq nuannaarutigaarput, Poul H. Jørgensen naggasiivoq.
Allagartanik tunniussinermit assilisat allaaserisap matumani ataaniittut takukkit