Ilinniarneq
Ilinniartoq: Aasiaat allaaneruvoq - nuannersumik
Aalisarnerup piniarnerullu illoqarfimmi qanoq ingerlanneqarnerata allanngoriartornera, allannguutillu kalaaliminernik pissaqarniarnermut qanoq sunniuteqarnersut Aasianni inissinneqarnissaa eqqarsaatigilluagaavoq
Norgemi Bergenimi ilisimatusarfimmi ilinniartoq, Astrid Maria Cabrera, 24-nik ukiulik, aalajangersimavoq aasaq tamaat Aasianniissalluni, geografimi kanditatinngorniarnerminut atatillugu sammisani tikillugu paasiniaanissamini tassaniikkusussimangami.
Oqaluttuarpoq Aasianniikkusunnerminut patsisaasoq illoqarfik Kalaallit Nunaanni takornariaqannginnerpaasartut ilangimmassuk.
- Aasiaat Diskobugtimi illoqarfinni allanit, soorlu Ilulissakkuni Qeqertarsuarmilu, allaaneruvoq, pissutigalugu illoqarfiit allat taakkua aasakkut takornariarfiusorujussuusarmata, Astrid Maria Cabrera oqarpoq.
Piniarnerup allanngoriartornera
Aasiaat Kalaallit Nunaanni illoqarfinni takornarissanit orningarneqannginnerpaat ilaanniittuarsimavoq, illoqarfiup Ilulissat Qeqertarsuillu takornarissanik ussassaarutaasut peqannginnera pissutingalugu - Iluliarsuit aasakkullu sermersuarmi qimusserneq.
- Illoqarfik arlaatigut ilumoortoqarpoq, inuit ammanerupput inussiarnernerullutillu. Kalaallit Nunaanni illoqarfiit takornariarfigineqakulaannginnerpaat akornaniippoq, taamaanneralu ilisimatusarninnut atatillugu maani suliaqarninnut iluaqutaasoq isumaqarpunga.
Taamatut oqaluttuarpoq Astrid Maria Cabrera Norgemeersoq, aalisarnerup piniarnerullu illoqarfimmi tassani qanoq ingerlanneqarnerata allanngoriartornera, allannguutillu kalaaliminernik pissaqarniarnermut qanoq sunniuteqarnersut.