meeqqat atuarfiat
Ilinniartitsisut sulinngitsuukulasorujussuusut
Kommuneqarfik Sermersooq ukiut tulleriit aappassaanni atuarfinni pitsaassutsimik nalunaarusiorpoq, tassanilu ilaatigut vikarinut akunnerit ukiup atuarfiusup ingerlanerani qanoq amerlatigisut atorneqartarnerat takutinneqarluni
Nuummi meeqqat atuarfii ukiumi atuarfiusumi 2014/2015-imi vikariinut ataatsimut katillutik akunnernik 8.988,7-inik atuisimapput, tamatumanilu ASK vikarinik atuinerpaasimalluni.
Atuarfik taanna aamma atuartunik naammassisunik ilinniagaqalernissamut ajorpallaanik angusaqarsimasunik amerlanerpaanik atuartoqarpoq.
Kommuneqarfik Sermersuumi atuarfeqarnermut ingerlatsiviup vikarinik atuinerup soraarummeernermilu angusat imminnut ataqatigiissinnaanerat ilumuunnginnerarpaa.
Nalunaarusiorneq
Kommuneqarfik Sermersooq Kalaallit Nunaanni kommunini siullersaalluni meeqqat atuarfii pillugit pitsaassutsimik nalunaarusiortarnermik siorna atuutilersitsivoq.
Atuartut misilitsinnerinit trintestinit soraarummeernermilu angusat atuartitsinerlu pillugu kisitsisit pingaarnerit kommunip nittartagaanut iliorarneqartarput.
Pitsaassutsimik nalunaarusiaq nutaanerpaaq oktobarip naanerani tamanut saqqummiunneqarpoq, tassanilu ilaatigut ilinniartitsisut sulinngittarnerisa vikarinut tiimerpassuarnik akeqarnera atuarneqarsinnaalluni.
Ilinniartitsisut atuartitsinerinut ataatsimut katillugit 145.296 tiimit atorneqarsimapput. Ilinniartitsisut tiimiisa agguaqatigiissillugu 6 procentii vikarinit matussuserneqarsimapput.
3.000 tiimit sinnerlugit
– Atuarfiit tamarmik immikkut vikarinut namminerisaminnik missingersuuteqarput, vikarinillu atuinermut missingersuutinik sippuisoqarsimanngilaq, Kommuneqarfik Sermersuumi atuarfeqarnermut pisortaq, Jesper Madsen, oqarpoq.
ASK angumaneqarani vikarinik atuinerpaasimavoq, ukiumi atuarfiusumi aasaq naasumi 3.882,7 tiimit atorneqarsimallutik.
Allaaserisaq tamaat atuaruk, Nuummilu pisut annertuut annikitsullu malinnaavigalugit. Nuuk Ugeavit akeqanngitsumik uani aasinnaavat: