atuartut angajoqqaallu
Ilinniartitsisut Facebookimi saassuttarpaat
Inuit attaveqaqatigiittarfiisa isummanik anitsisinnaanissaq ajornannginnerulersippaat. Taamaattorli atuartut, angajoqqaat ilinniartitsisullu saassussinnginnerminni eqqarsarluaqqaartariaqarput.
Killiligaanani oqaaseqarsinnaaneq inatsisinit tunngaviusunit qulakkeerneqarsimavoq, taamaattorli oqaaserineqartut tamarmik inatsisinut naapertuuttuunngillat. Ilinniartitsisunut tamanna kingunerluuteqarsinnaavoq.
Ilinniartitsisut ajornartorsiortarput
Ilinniartitsisut kattuffiannit IMAK-imit oqaatigineqarpoq, ilaasortaminnit inuit attaveqaqatigiittarfiisigut imaluunniit nittartakkakkut allaaserisat Sermitsiaq.AG-mi imaluunniit KNR.gl-imi isummersortarfitsigut isummaminnik saqqummiussinermik kinguneranik ajornartorsiulersimasunit piffissami kingullermi attavigineqartarlutik.
- Maanna pisuni ilaatigut Ombudsmandimut suliakkiissutitta ilagaat, kommunimi sulisut ilaata Sermitsiaq.AG-mi isummersornermi kingorna avoqqaarineqarsimanera. Naak isummersornera inatsisinik qaangiisuunngikkaluartoq; minnerunngitsumik sumi suliffeqarnera isummersornerani taaneqanngimmat. Ombudsmandip aalajangiinissaa pissangalluta utaqqivarput, aalajangiussinerali tusartinnagu suliamut tunngasumik annerusumik oqaaseqarsinnaanata, IMAK-imi kattuffimmi sulianut allatsi Lisbeth Frederiksen AG-mut oqarpoq.
Akuttunngitsumik ilinniartitsisunit saaffigineqartartoq
Taassuma ilanngullugu oqaluttuaraa ilinniartitsisunit naqisimaneqaratik oqaaseqarsinnaatitaanerminnut atatillugu eqqunngitsuliorfigineqartutut misigisimasunit kattuffik akuttunngitsumik saaffigineqartuartartoq. Atuarfinni pisortaagajunnerusut ilinniartitsisut killilersimaaqqullugit qinnuigisarpaat.
Facebookimik ajornartorsiuteqarneq pillugu allaaserisaq tamaat AG-mi atuaruk. Uani ataani linki atorlugu aviisimut isissutissamik akiliillutit atuarsinnaavat: