Nuuk
Ilinniartitsisumiit isiginnaartitsisartumut
Ilinniartitsisut Nuummeersut marluk atorfimminnit tunuariarlutik isiginnaartitsisartunngorniarnissartik toqqarpaat. Matumani ilinniartitsisutut sulinerminni misigisartakkamik nuannersut nuanniitsullu ilaannik oqaluttuarput
Ukaliusap Atuarfiani ilinniartitsisut, Connie Kristoffersen aamma AneMarie Ottosen, ukioq atuarfiusoq naappat Isiginnaartitsinermik Ilinniarfimmi ilinnialissapput. Inunnik allanik aallusiunnaarlutik imminnut aallutilernissaminnut maanna qilanaarput.
Marluullutik isiginnaartitsinermik misilittagaqarput, isiginnaagassiaq 'Malugisarpara', Pipaluk K. Jørgensenimit ilitsersuisuuffigineqartoq, peqataaffigisimagamikku. Maannalu Isiginnaartitsinermik Ilinniarfimmi ilinnialernissamut periarfissaqalernertik atorluarniarsimavaat. Inunnik allanik aallussiunnaarlutik imminnuinnaq aallutilernissartik qilanaaraat.
- Allat pisariaqartitaannik aallussinanga uanga nammineq pisariaqartitannik aallussilernissannut qilanaarpunga. Isiginnaartitsisartuuneq soqutigisariuaannarsimavara, maannalu isiginniartitsisartunngorniarnissamut periarfissaqalerama periarfissaq atorluarniaannartariaqarpara, Connie Kristoffersen oqarpoq.
Nuummi susoqarnersoq Nuuk Ugeavisimi oqaluttuanik amerlanernik atuarsinnaavutit. Aviisi akeqanngitsumik uani pisiariguk: