Sea Show
Ilinniartitaaneq pillugu nittarsaassineq sinersortinneqartoq aallartilersoq
Ilinniarfiit arlallit efterskolillu septembarip aallartinnerani sinerissami illoqarfiit assigiinngitsut ornillugit inuusuttut ilinniarnikkut periarfissaannik saqqummiussissapput
Aalborgimi Kalaallit Illuat ilinniartitaanernik nittarsaassinermut Sea Showimut pingajussaa aaqqissuussisuuvoq, taamaalillunilu Sarfaq Ittuk sinerissami illoqarfinnut angalaqqilerpat Danmarkimi Kalaallit Nunaannilu efterskolit, ilinniartitaanerit kiisalu suliffissat tusagaqarfiginerunissaannut periarfissaqassalluni.
Sinersorluni angalaneq ukioq manna Ilulissanit septembarip 7-ani aallartissaaq. Umiarsuaq Nuummut septembarip 11-ani tikinnginnermini Aasiannut, Sisimiunut Maniitsumullu aqqusaareersimassaaq. Inuusuttullu 1700-nit amerlanerit umiarsuarmut ilinniaqqinnissaminnut atatillugu isumassarsioriarsimanissaat neriuutigineqarpoq. Sea Show pingajussaanik ingerlanneqassaaq.
- Inuusuttut soqutiginnittut amerlasuut umiarsuarmut ikaarlutik siunissami ilinniagassanut suliffissanullu tunngasunik ilisimasaqarnerulernissaat neriuutigaarput. Ilinniarfinnut apeqquteqarsinnaassapput, inuusuttullu ilinniagaqarniarlutik Danmarkimeereersimasut ilaannik naapitaqarnissamut periarfissaqassallutik, sungiusaammik suliffissarsiortunut ataqatigiissaarisoq Sea Show 2015-imullu akisussaasoq, Anne Louise Berg Stisen Aalborgimi Kalaallit Illuanneersoq oqaluttuarpoq.
Ilinniartitaaneq pillugu nittarsaassinermut tunngasunik Sermitsiami normu 34-mi ilinniartitaaneq pillugu immikkut sammisaqarluni saqqummersumi uani annertunerusumik atuarit: