ilinnialerneq
Ilinniarniaraanni piareersartariaqarpoq
Inuusuttorpassuit nalusarpaat Danmarkimi ilinniarnissami suut pisariaqarnersut, siunnersorneqarnissaminnillu ikiortissarsiunnginnertik peqqutigalugu qinnuteqaataat itigartinneqartarput, Kalaallit Illuutaanniilinniarnissamut siunnersortit oqarput, ilaatigullu nalinginnaanerujartornerarlugu inuusuttut arlaqartut qinnuteqaatertik nassiuttaraat piumasaqaatit naammassinngikkaluarlugit
Ajoraluartumik inuussuttut amerlasuut isumaqartarput ilassutaasumik pikkorissarnerminni ilinniarnertuunngorniarnerminni agguaqatigiissillugu angusatik pitsanngorsarsinnaallugit. Taamaaliorsinnaanngillat, Danmarkimi Kalaallit Illuutaanni ilinniarnissamut siunnersortit oqarput, takusarpaallu inuusuttut arlaqartut ilinniarnissaminnik qinnuteqartut naak tigusaanissaminnut periarfissaqanngikkaluarlutik – aamma immikkut aaqqissuussinikkut ilinniarniarlutik utoqqisut avaqqukkaluarunik killunniit. Tassaasinnaavoq nakorsanngorniarneq, tamatumani piumasaqaataalluni agguaqatigiissillugu 6inik angusaqarsimanissaq.
Ilinniarnertuunngorniartut ilungersortariaqarput
– Ilaat qinnuteqartarput naak agguaqatigiissillugu angusartik 2,8galuartoq, oqaluttuuttaraluarpavullu tigusaanavianngitsut. Nakorsanngorniarusukkaanni tigusaanissamullu ilinniarnertuunngornermi agguaqatigiissillugu angusaq naammannani taava ilassutaasunik fageqarneq iluaqutaanavianngilaq. Agguaqatigiissillugu angusaq allanngortinneqarsinnaanngilaq. Ilitsersorsinnaavagulli peqqissutsimut ilinniarnernut allanut qinnuteqarsinnaasut isersinnaallutillu immaqa nakorsanngorniarnissamut uiarterinerugaluartoq, Københavnimi ilinniarnissamut siunnersorti Pia Rosing Heilmann ilinniarniartunut ersarissumik oqariartuuteqartoq oqarpoq.
Pia Rosing Heilmannip kissaatigaa illoqarfinni Majoriami sulisut Danmarkimi ilinniarnissamut maleruagassat piumasaqaatillu ilisimanerussagaat taamaalillutik inuusuttut Danmarkimi ilinniarusuttut siunnersornerusinnaallugit.
Danmarkimi ilinnialissagaanni suut eqqumaffigineqarsinnaasersut pillugit Sermitsiaq arlallinnik siunnersuuteqarpoq. Aviisi uani pisiariuk: