pilluaritsi
Ilinniarnertuunngortartut amerligaluttuinnarput
Ilinniarnertuunngorniarfiit ukioq manna rekordiliipput
Ukiunik pingasunik sivisussusilimmik ilinniarnertuunngorniarfimmit nuna tamakkerlugu katillugit 344-t ilinniarnertuunngorput, tamatumani ilanngullugit HTX-imi ilinniagaqartut 89-it HHX-imilu ilinniagaqartut 27-t.GU-mi, HTX-imi aamma HHX-imi ukioq manna naggataamik nalinginnaasumik, teknikkikkut niunernikkullu ilinniarnertuungortunik soraarummeersitsisoqarpoq, tassa aappaagu siullermeersumik ilinniarnertuunngorniarfimmi nutaami katissimasami GUX-imi soraarummeertoqassammat.
Ukioq manna ilinniarnertuunngortut aatsaat taama amerlatigaat, naalakkersuit.gl allappoq.
Ilinniernertuunngortut 344-t saniatigut ukioq manna inersimasunut ilinniarnertuunngorniarfimmi ukiumik ataatsimik sivisussusilimmik piareersaataasumik pikkorissarnermi katillugit 38-t soraarummeerput.
ilinniarnertuunngortartut amerliartuinnavipput, ilinniarnertuunngorniarfiillu rekordileeqqipput. Ataani kisitsisini takuneqarsinnaavoq ukiuni kingullerni tallimani ukiunik pingasunik sivisussusilimmik piareersaataasumillu ukiumik ataatsimik sivisussusilimmik soraarummeertartut amerlassusaat:
2010: soraarummeertut 260
2011: soraarummeertut 298
2012: soraarummeertut 315
2013: soraarummeertut 333
2014: soraarummeertut 382