ilinniartitaaneq
Ilinniakkaminnik naammassinnittartut amerlanerulerput
Inuit katillugit 823-t inuusuttunut ilinniakkamik 2014-imi naammassinnipput, tamannalu 2014-imut sanilliullugu maloriaatingajaavoq, Naatsorsueqqissaartarfik ilisimatitsivoq
Ukiut qulit kingulliit ingerlanerini amerliartuinnartut nunatsinni ilinniaqqittalerput, Naatsorsueqqissaartarfik tusagassiorfinnut nalunaarummi ilisimatitsivoq. Ukiut qulit ingerlanerini Kalaallit Nunaanni ilinniartut amerliartuinnavissimapput, ingammik akunnattumik sivisissusilimmik ilinniaqqittut eqqarsaatigalugit. 2014-ip naalernerani ilinniaqqittut 1.294-iupput. Ilinniaqqittut 62 pct.-ii Kalaallit Nunaanni ilinniakkamik ingerlatsipput, Naatsorsueqqissaartarfik ilisimatitsivoq.
Ilinniaqqittut amerlisut
Ukiut qulit kingulliit ingerlanerini Kalaallit Nunaanni avataanilu ilinniaqqittut amerlatsikkiartorput.
2014-imi inuit katillugit 823-t inuusuttut ilinniagaannik naammassinnipput, taakkualu 2004-mut sanilliullugit marloriaataallutik, Naatsorsueqqissaartarfik ilisimatitsivoq.
Tamatuma saniatigut 2014-imi allagartaartut marluugaangata ataaseq ilinniarnertuunngorniarfimmeersuusarpoq, ukiut qulit matuma siorna pingasuugaangata ataasiusarsimalluni.
Ilinniartitaaneq pillugu kisitsisit nutaat aamma kisitsitaasivimmiilerput.